އަމިއްލަ ވިސްނުމާ ފިކުރުނެތް، މީހުން ރައްޔިތުން ތަމްސީލުކުރަން އިންތިޚާބުކުރުން ހުއްޓާލަން ވެއްޖެ: އަލްހާން

އަމިއްލަ ވިސްނުމާ ފިކުރުނެތް، މީހުން ރައްޔިތުން ތަމްސީލުކުރަން އިންތިޚާބުކުރުން ހުއްޓާލަން ވެއްޖެ ކަމަށް އެމްޑީޕީގެ ކުރީގެ ނައިބް ރައީސް އަލްހާން ފަހުމީ ވިދާޅުވެއްޖެއެވެ.

Ads by MWSC

އަލްހާން މިހެން ވިދާޅުވީ މިއަދު ކުރެއްވި ޓްވީޓެއްގައެވެ. އެގޮތުން އޭނާ ވިދާޅުވީ މަޖިލިސް ޖަލްސާއަށް، ކޯރަމް ހަމަވާ އަދަދަށްވެސް މެމްބަރުން ހާޒިރު ނުވާ ކަމަށެވެ.

"އަމިއްލަ ވިސްނުމާ ފިކުރުނެތް، މީހުން ރައްޔިތުން ތަމްސީލުކުރަން އިންތިޚާބުކުރުން ހުއްޓާލަން ވެއްޖެ ނޫންތޯ؟ މަޖްލިސް ޒިިންމާދާރު ކުރުވާނެ ގޮތެއް އޮންނަންޖެހޭ! ދައުރުގެ މެދުން އިންތިޚާބެއް ބާއްވަން ފެނޭ!" އަލްހާން ވިދާޅުވިއެވެ.