މަޖިލީހުގެ މެމްބަރުން ފެއިލްނުވާކަން ގިނަ ރައްޔިތުން ގަބޫލުކުރޭ: ނަޝީދު
ރައްޔިތުން މަޖިލީހުގެ މެންބަރުން ފެއިލް ނުވާކަން ގިނަ ރައްޔިތުން ގަބޫލު ކުރާ ކަމަށް މަޖިލީހުގެ ރައީސް، ރައީސް ނަޝީދު ވިދާޅުވެއްޖެއެވެ.
މައްޗަންގޮޅި ދެކުނު ދާއިރާގެ މެމްބަރު އަހުމަދު ހައިތަމް މިއަދު ހުށަހެޅުއްވި ދައުލަތުން ކުޑަކުދިންނާއި ކުޑަކުދިންގެ ރައްކާތެރިކަމަށް މިހާރަށް ވުރެ ބޮޑަށް ސަމާލުކަން ދިނުމުގެ ގަރާރަށް މެމްބަރުން ކުރިއަށް ގެންދެވި ބަހުސްގެ މެދު ތެރެއިން ވާހަކަ ދައްކަވަމުން ނަޝީދު ވިދާޅުވީ ބަޔަކު ދީފާނެ ރައްދަކަށް މެމްބަރުން ތަޅުލެވިފައި ނުތިއްބެވުމަށް އެދިވަޑައިގެންނަވާ ކަމަށެވެ.
"ޒުވާން ޖޯޝުގައި މިކަންކަމާ ގުޅޭ ގޮތުން އަޅުގަނޑުމެން ވާހަކަ ދައްކާއިރުގައި، ފެއިލްވެއްޖެ، ނުވި، އަޅައެއް ނުލި، މި ބަސްތައް އަމާޒުވާކަށް. އެހެންވިޔަސް ކަންބޮޑުވެ ނުލައްވާ. އަޅުގަނޑުމެންގެ ރާއްޖޭގެ ގިނަ ރައްޔިތުންނަށް ވަރަށް ބޮޑަށް ސާފު، ތިޔަ އިއްޒަތްތެރި މެމްބަރުން ފެއިލްނުވާކަން" ނަޝީދު ވިދާޅުވިއެވެ.
ނަޝީދު މިފަދައިން ވިދާޅުވިއިރު އިދިކޮޅު ކޯލިޝަން އިން ވަނީ "ފެއިލްވެއްޖެ" މި ނަމުގައި ކާނިވަލުގައި ޖަލްސާއެއް ބާއްވަން ނިންމާފައެވެ.
Ads by STO
