ބީއެމްއެލްގެ މުވައްޒަފެއް ކޮވިޑަށް ފައްސިވެއްޖެ!
ބޭންކް އޮފް މޯލްޑިވްސް (ބީއެމްއެލް) ގެ މުވައްޒަފަކު ކޮވިޑް-19 އަށް ފައްސި ވެއްޖެއެވެ.
އެނގިފައިވާ ގޮތުގައި ކޮވިޑް-19 އަށް ފައްސިވެފައި ވަނީ، ކުރިން ބީއެމްއެެލް އިސްލާމިކް ހިންގި މ. ސީޓްރެކްސް އިމާރާުތުގައި މިހާރު ހިންގަމުންދާ ބީއެމްއެލްގެ ޑިޕާޓްމަންޓެއްގައި މަސައްކަތްކުރާ އިދާރީ މުވައްޒަފެކެވެ އޭނާ ކޮވިޑް އަށް ފައްސިވެފައިވާކަން އެނގިފައިވަނީ މިއަދު ހެނދުނު ކަމަށް ބީއެމްއެލް އިން ބުނެފައިވއެެވެ.
އޮންލައިން ނޫސް "ވަގުތު" އިން ބުނެފައިވަނީ، ބީއެމްއެލްގެ އެމުވައްޒަފު ކޮވިޑް-19 އަށް ފައްސިވުމާއި ގުޅިގެން ބޭންކުން އެޗްޕީއޭ އާ ގުޅިގެން ކޮންޓްރެކްޓް ޓްރޭސިންގ ހެދުމުގެ މަސައްކަތްކުރަމުންދާ ކަމަށް ބީއެމްއެލްގެ ޕަބްލިކް ރިލޭޝާން މެނޭޖަރ ސައިދު ވިދާޅުވި ކަމަށެވެ. އެއިމާރާތުގެ އާއްމު ތަންތަން ޑީޕް ކްލީން ކޮށް ޑިސްއިންފެކްޓް ކުރުމުގެ މަސައްކަތް ކުރަމުންދާ ކަމަސް ވެސް ސައީދު ވިދާޅުވެފައިވއެވެ.
މީގެއިތުރުން ބީއެމްއެލް އިން ބުނީ މިދިޔަ މާރިޗް މަހުން ފެށިގެން ބޭންކު ހިންގަމުން މިދަނީ ބިޒްނަސް ކޮންޓިއުނިޓީ ޕްލޭން އާ އެއްގޮތްވާ ގޮތުގެ މަތީން، މުވައްފަޒުން އެކި ޓީމުތަކަށް ބަހާލަުމުގެ އިތުރުން ރައްކާތެރިކަމުގެ ފިޔަވަޅުތައް ނަގައިގެން ކަމަށެވެ.
