ކޮވިޑް-19 ޖެހިގެން ދިވެއްސަކު ނިޔާވެއްޖެ! މައްޔިތާއަށް ސުވަރުގޭގެ ދާއިމީ ނިއުމަތް ދެއްވާށި. އާމީން.
ފެތުރެމުން އަންނަ ކޮވިޑް-19 ޖެހިގެން ދިވެއްސަކު ނިޔާވެއްޖެއެވެ.
އޮންލައިން ނޫސް "ސީއެންއެމް" ގައި ބުނެފައިވާ ގޮތުގައި ކޮވިޑް-19 ޖެހިގެން މިއަދު ނިޔާވެފައިވަނީ އުމުރުން 70 އަހަރުގެ އަންހެނެކެވެ.
އެނގިފައިވާ ގޮތުގައި، އެމީހާ ނިޔާވީ ކޮވިޑް ޖެހިގެންކަން އެނގިފައިވަނީ ވެސް ނިޔާވިފަހުން ހަށިގަނޑު އާސަހަރާ އަށް ގެންދިޔަ ފަހުންނެވެ.
ނަމަވެސް ރާއްޖޭގައި ކޮވިޑް ޖެހިގެން މަރުވާ މީހުން ވަޅުލުމަށް ނިންމާފައި ވަނީ ހުޅުމާލޭގައި ކަމުން، އެމީހާގެ ހަށިގަނޑު ހުޅުމާލެއަށް ގެންދިއުމުގެ މަސައްކަތް މިހާރު ކުރަމުންދާ ކަމަށް ވެސް މައުލޫމާތު ލިބެ އެވެ.
މިކަމާއި ގުޅޭގޮތުން އެޗްއީއޯސީ ގެ ބަހެއް އަދި ލިބިފައެއް ނުވެއެވެ.
މާތް ﷲ މައްޔިތާގެ ފުރާނައަށް ހެޔޮ ރަޙްމަތްލައްވާށި. އާމީން. އަދި މިފަދަ ހިތްދަތި ވަގުތެއްގައި އާއިލާއަށް ކެތްތެރިކަން ދެއްވާށި. އާމީން.
إِنَّا لِلَّهِ وَإِنَّا إِلَيْهِ رَاجِعُونَ
