ރައީސް ޔާމީން ޖަލަށްލި ކަނޑައެޅިގެން ސިޔާސީ ބާރުގެ ބޭނުންކޮށްގެން! : އަލްޙާނު ފަހުމީ

ކުރީގެ ރައީސް އަބްދުﷲ ޔާމީން އަބްދުލްޤައްޔޫމް ޖަލަށްލީ ކަނޑައެޅިގެން ސިޔާސީ ބާރުގެ ބޭނުން ކޮށްގެން ކަމަށް ރައްޔިތުންގެ މަޖިލީހުގެ އައްޑޫ އަތޮޅު ފޭދޫގެ ކުރީގެ މެމްބަރު އަލްހާން ފަހުމީ ވިދާޅުވެއްޖެއެވެ.

Ads by Hajj Corporation

އަލްހާން މިއަދު ކުރެއްވި ޓްވީޓެއްގައި ވިދާޅުވެފައިވަނީ، ރައީސް ޔާމީން ޖަލަށްލި ކަނޑައެޅިގެން ސިޔާސީ ބާރުގެ ބޭނުންކޮށްގެން ކަމަށާއި ޖޭއެސްސީ ހައިޖެކްކޮށްގެން ތިބެ ކަމަށެވެ. އަދި ޤާޟީ އަޙްމަދު ހައިލަމް ދެފުށް ފެންނަ ގޮތަށް އިންސާފުވެރިކޮށް ރައްޔިތުންނަށް ޓީވީ ތަކުން ދައްކައިގެން ހިންގި ޝަރީޢަތުގެ ހުކުން އިއްވުމުގެ ކުރިން އެހުކުން އެމީހުންނަށް ކިޔައިނުދެއްވީތީ، ބޭކާރު މައްސަލައެއް ސުލޫކީ މައްސަލައަކަށް ހެއްދެވި ކަމަށް ވެސް އަލްހާން ތުހުމަތު ކުރައްވާފައިވެއެވެ.

އަލްހާން ވިދާޅުވީ، މިކަންކަމަކީ ކުރީގެ ރައީސް މުޙައްމަދު ނަޝީދު އިސްވެހުރެ ހުކުން އިއްވަން އޮތް ދުވަހު ޤާޟީ ހައިލަމް ސަސްޕެންޑްކޮށް، ބޭނުން ބަޔަކު ފަންޑިޔާރުންނަށް ލައިގެންކަން ކުރެއްވި ކަމެއްކަން ވަރަށް ސާފު ކަމަށެވެ. ރައީސް ޔާމީނަށް އިންސާފުވެރި ޝަރީޢަތެއް ލިބެން ޖެހޭނެ ކަމަށް ވެސް އަލްހާނު ވިދާޅުވިއެވެ.