ޓައިގަރ ޝްރޮފްގެ ފިޔާތޮށި ހޫޑީ ވަރަށް އަގުހެޔޮކޮށް ބާޒާރުގައި ލިބެން އެބަހުރި
ޓައިގަރ ޝްރޮފްއަކީ ގިނަ އަންހެންކުދިންތަކެއްގެ ހިތް އެ ތަރި އަކަށް ޓަކައި ދީފައިވާ ބޮލީވުޑްގެ ހުނަރުވެރި ފިލްމީ ތަރިއެކެވެ. ޓައިގަރ ޝްރޮފް އަކީ ނެށުމުގެ ދާއިރާ އަދި ޕާކޯ ޖެއްސުމަށް މަގުބޫލު ފަންނާނެކެވެ. އެހެން ކަމުން ނެށުމުގެ ދާއިރާގައި އުޅޭ ފަންނާނަކަށް ވާތީ ޓައިގަރ ޝްރޮފް ހެދުން އެޅުމުގައި ތަފާތު ސްޓައިލެއް ބޭނުން ކުރެއެވެ. އެގޮތުން އޭނާ އާންމުކޮށް ލައި އުޅެނީ ދޫ ޓީޝާޓާއި ޓްރަކްޝޫޓެވެ. އަދި އޭނާ ވަރަށް ގިނައިން ހޫޑީވެސް ލާ ކަމަށް ބޭރުގެ ރިޕޯޓް ތަކުން ބުނެއެވެ.
ގިނަ ފިރިހެނުންނަކީ ފިޔާތޮށި ކުލަ ލުމަށް އެހާ ހިތްހަމަ ޖެހޭ ބައެއް ނޫނެވެ. ސަބަބަކީ ފިޔާތޮށްޓަކީ އަންހެން ކުލައެއް ކަމަށް ގިނަ ބަޔަކު ދެކޭތީއެވެ. ގިނަ ބަޔެއްގެ ލޯބި ހޯދައިފައިވާ މި އެކްޓަރު ވަނީ މުމްބައިގެ މަގުތަކުން ފިޔާތޮށި ކުލައިގެ ހޫޑީ އެއް ލައިގެން ހުއްޓާ ފެނިފައެވެ. އަދި މި މަންޒަރު ގިނަ ބަޔެއްގެ ލޮލުގައި ވަނީ އަޅައިގަންފައެވެ. ފިޔާތޮށި ހޫޑީ އަކާއި ކަޅު ކުލައިގެ ޓްރަކްޝޫޓެއްގައި ޓައިގަރ ޝްރޮފް ހުރީ ހުދުކުލައިގެ މާސްކެއް އަޅައިގެންނެވެ.
މި ހޫޑީގެ އަގަކީ 3500 އިންޑިއަން ރުޕީސް ކަމުގައި ބޭރުގެ މީޑިއާ ތަކުން ބުނެއެވެ. އަދި އެ އަގަކީ ވަރަށް ގަބޫލުކުރަން ދަތި އަގެއްކަމުގައިވެސް މީޑިއާ ތަކުން ވަނީ ރިޕޯޓް ކޮށްފައެވެ.
ބޭރުގެ ހަބަރު ތަކުން ބުނެފައިވަނީ މި ކަމާމެދު އާންމުން ދެކޭ ގޮތް ނޭނގޭ ކަމަށެވެ. ނަމަވެސް އެމީހުންނަށް ޓައިގަރ ޝްރޮފްގެ މި ސްޓައިލް ވަރަށް ކަމުގޮއްސި ކަމުގައި ބޭރުގެ މި ހަބަރުގައި ލިޔެފައި ވެއެވެ. ޓައިގަރ ޝްރޮފްގެ މި ހޫޑީއާ މެދު ތިޔަ ބޭފުޅުންގެ ހިޔާލަކީ ކޮބާ ތޯއެވެ؟
