އަލީ ވަހީދު އިސްތިއުފާ ދެއްވަން އެންގުމުން، ރައީސް މައުމޫނުގެ ތާއީދު!
އަޚްލާގީ މައްސަލަތަކަކާއި ގުޅިގެން ޓޫރިޒަމް މިނިސްޓަރ އަލީ ވަހީދު އެމަގާމުން އިސްތިއުފާ ދެއްވުމަށް ރައީސް އިބްރާހިމް މުޙައްމަދު ޞާލިޙު އެންގެވުމުން، އެކަމަށް ކުރީގެ ރައީސް މައުމޫން އަބްދުލްޤައްޔޫމް އެކަމަށް ތާއީދު ކުރައްވައިފިއެވެ.
އަލީ ވަހީދު އެމަގާމުން އިސްތިއުފާ ދެއްވުމަށް ރައީސް ޞާލިޙު އެންގެވިކަން އިއުލާނު ކުރައްވަމުން، ރައީސް އޮފީހުގެ ތަރުޖަމާނު އިބްރާހިމް ހޫދު ކުރެއްވި ޓްވީޓު ހިއްސާ ކުރައްވަމުން ރައީސް މައުމޫނު ވިދާޅުވެފައިވަނީ، އެކަހަލަ މައްސަލަތަޖުގައި އަވަސް އިސްލާހީ ފިޔަވަޅު އެޅުން ވަރަށް މުހިންމު ކަމަށެވެ.
މި ކަހަލަ މައްސަލަ ތަކުގައި އަވަސް އިޞްލާޙީ ފިޔަވަޅު އެޅުން ވަރަށް މުހިންމު https://t.co/MfQH2pIlf1
— Maumoon Abdul Gayoom (@maumoonagayoom) July 8, 2020
ހޫދު ވިދާޅުވެފައިވާ ގޮތުގައި ޓޫރިޒަމް މިނިސްޓަރު ކަމުން އިސްތިއުފާ ދެއްވުމަށް އަލީ ވަހީދަށް ރައީސް އަންގަވާފައިމިވަނީ މަސައްކަތުގެ މާޙައުލުގައި ހިނގައިގެން ނުވާނެފަދަ އަޚްލާގީ މައްސަލަތަކެއް ޓުއަރިޒަމް މިނިސްޓްރީގައި ހިނގާފައި ވާކަމުގެ ޝަކުވާ އެމިނިސްޓްރީގެ މުވައްޒަފުންތަކެއް ރައީސުލްޖުމްހޫރިއްޔާ އަށާއި ޖެންޑަރ މިނިސްޓްރީ އަށް ހުހަޅާފައިވާތީ ކަމަށެވެ.
ނަމަވެސް އެއީ ކޮން މައްސަލަތަކެއްކަމާއި ރައީސް ޞާލިޙަށް އެކަން ހުށަހަޅާފައިވަނީ ކޮން އިރަކު ކަމެއް ހޫދު ވިދާޅުވެފައެއް ނުވެއެވެ.
Ads by STO
