ވަގުތު ޖެހުމުން ހަގީގަތް ހާމަވާނެ، ރައްޔިތުންނަށް ހިދުމަތް ކޮށްދެވުނީތީ ފަހުރުވެރިވަން: އަލީ ވަހީދު
ވަގުތު ޖެހުމުން ހަގީގަތް ހާމަވާނެ ކަމަށާއި ރައްޔިތުންނަށް ހިދުމަތް ކޮށްދެވުނީތީ ފަހުރުވެރިވާ ކަމަށް އަލީ ވަހީދު ވިދާޅުވެއްޖެއެވެ.
އަހްލާގީ މައްސަލަތަކާ ގުޅިގެން ޓުއަރިޒަމް މިނިސްޓަރު އަލީ ވަހީދު އިސްތިއުފާ ދިނުމަށް ރައީސް އިބްރާހިމް މުހައްމަދު ސޯލިހު މިއަދު ވަނީ އަންގާފައެވެ.
ރައީސް އޮފީހުގެ ތަރުޖަމާނު އިބްރާހިމް ހޫދު މިރޭ ކުރެއްވި ޓްވީޓެއްގައި ވިދާޅުވީ، މަސައްކަތުގެ މާހައުލުގައި ހިނގައިގެން ނުވާނެފަދަ އަހްލާގީ މައްސަލަތަކެއް ޓުއަރިޒަމް މިނިސްޓްރީގައި ހިނގާފައި ވާކަމުގެ ޝަކުވާ އެ މިނިސްޓްރީގެ މުވައްޒަފުންތަކެއް ރައީސުލްޖުމްހޫރިއްޔާއަށާއި ޖެންޑާ މިނިސްޓްރީ އަށް ހުހަޅާފައިވާ ކަމަށެވެ.
މިކަމާ ގުޅިގެން އަލީ ވަހީދު ދެންމެ ކުރެއްވި ޓްވީޓެއްގައި ވިދާޅުވީ ވަފާތެރިކަމާއި ހިތްވަރާއެކު ރައްޔިތުންނަށްޓަކައި ހިދުމަތް ކޮށްދެވުނީތީ ފަހުރުވެރިވާ ކަމަށެވެ. އަދި ވަގުތު ޖެހުމުން ހަގީގަތް ހާމަވާނެ ކަމަށެވެ.
"މި ދުވަސްވެސް ހިނގައިދާނެ،" އަލީ ވަހީދު ވިދާޅުވިއެވެ.
Alhamdhulillaahi. Proud to have served the people & the nation with honesty and energy. Time will tell the truth. InSha Allah truth will always prevail. pic.twitter.com/hZ4YOaPNFD
— Ali Waheed (@ali20waheed) July 8, 2020
އެނގިފައިވާ ގޮތުގައި، ޓޫރިޒަމް މިނިސްޓްރީގެ މުވައްޒަފުން ރައީސް އޮފީހަށް ޝަކުވާ ހުށަހެޅީ އެ މިނިސްޓްރީތެރޭގައި ޖިންސީ ފުރައްސާރައިގެ މައްސަލަތަކެއް ހިނގައިގެންނެވެ.
