ޓޫރިޒަމް މިނިސްޓްރީގެ ޕޮލިސީ ޑިރެކްޓަރ ހައްސާނު ވެސް މަގާމުން ވަކިކޮށްފި
ޖިންސީ ގޯނާގެ ސީރިއަސް ތުހުމަތުތަކަކާއެކު ޓޫރިޒަމް މިނިސްޓަރު އަލީ ވަހީދު މިއަދު އެމަގާމުން ވަކިކޮށްފައިވާއިރު، އެމިނިސްޓްރީގެ ސީނިއާ ޕޮލިސީ ޑިރެކްޓަރ މުހައްމަދު ހައްސާނު ވެސް މަގާމުން ވަކި ކޮށްފިއެވެ.
އޮންލައިން ނޫސް "މިހާރު" އިން ބުނެފައިވަނީ ހައްސާނަކީ އަލީ ވަހީދު އާއި ވަރަށް ގާތް ގުޅުމެއް އޮންނަ ބޭފުޅެއް ކަމަށާއި، އެހެން ނަމަވެސް އެމިނިސްޓްރީގެ ޕޮލިސީ ޑިރެކްޓަރ ކަމުގެ މަގާމުން ހައްސާނު ވަކިކުރި ސަބަބެއް އަދި އެނގިފައިނުވާ ކަމަށެވެ.
މިކަމާއި ގުޅޭގޮތުން ހައްސާނުގެ ވެސް އަދި ރައީސް އޮފީހާއި ޓޫރިޒަމް މިނޖމިސްޓްރީގެ ވެސް ބަހެއް ލިބިފައިނުވާ ކަމަށެވެ.
ޖިންސީ ގޯނާގެ ތުހުމަތުތަކެއް އަލީ ވަހީދުގެ މައްޗަށް އުފުލުމުން ރައީސް އިބްރާހިމް މުޙައްމަދު ޞާލިޙު ރޭގައި ވަނީ، ޓޫރިޒަމް މިނިސްޓަރުކަމުން އިސްތިއުފާ ދެއްވުމަށް އަލީ ވަހީދަށް އަންގަވާފައެވެ. ނަމަވެސް އިސްތިއުފާ ނުދެއްވުމުން، މިއަދު ހެނދުނު އޭނާ ވަނީ އެމަގާމުން ވަކިކޮށްފައެވެ.
Ads by STO
