ހެނދުނުގެ ނާސްތާއަށް ޕިއްޒާ ފޮއްޗެއް މާ ރަނގަޅު
ޑޮކްޓަރުން އަބަދުވެސް ބުނާ ވާހަކައެއް އޮވެއެވެ. ހެނދުނުގެ ނާސްތާ މުހިންމު ވާހަކައެވެ. ހެނދުނުގެ ނާސްތާ އާ ނުލާ ދުވަސް ފެށުމުން އެ ދުވަހަކު މާ ބުރަދަން ހުރި މަސައްކަތެއް ނުކުރެވޭ ވާހަކައެވެ.
ކަން މިހެން އޮތް އިރު ދިވެހިންގެ އާދަކާދައަށް އައި ބަދަލުތަކާއެކު މިހާރު ހެނދުނުގެ ނާސްތާއަށް އެންމެ ގިނަ ބަޔަކު ކައި އުޅޭ އެއްޗަކީ ސީރިއަލްއެވެ. ހަށިގަނޑަށް ފައިދާހުރި ލުއި އެއްޗެއް ހެނދުނުގެ ނާސްތާއަށް ބޭނުން ކުރުމުގެ ގޮތުންނެވެ.
ހެނދުނުގެ ނާސްތާއަށް ސީރިއަލް އަށް ކިރު އަޅައިގެން ގިނަ ބަޔަކު ބޭނުން ކުރި ނަމަވެސް، 2018 ވަނަ އަހަރު ކުރި ދިރާސާއެއްގައި ހެނދުނުގެ ނާސްތާ އަށް ސީރިއަލް އާ ކިރު އެހާ ރަނގަޅު ނޫން ކަމަށް ދައްކާފައިވެއެވެ.
މި ދިރާސާގައި އިސްކޮށް ހަރަކާތްތެރިވި ނިއުޓްރިޝަނިސްޓެއް ކަމުގައިވާ ޗެލްސޭ އާމަރު ބުނި ގޮތުގައި އޭނާގެ ހޯދުންތަކުން ހެނދުނު ގެ ނާސްތާއަށް ސީރިއަލް އާ ކިރަށް ވުރެ ފައިދާހުރި އެއްޗެއް އޭނާ އަށް ވަނީ ހޯދިފައެވެ.އެއީ ޕިއްޒާ ކަމުގައި ވެސް އޭނާ ބުނެފައިވެއެވެ.
އެގޮތުން ޕިއްޒާގެ އެންމެ ފޮއްޗެއްގައި ކިރާއި ސީރިއަލް އެޅި ތައްޓެއްގައި ހުންނަ ވަރަށް ކެލޮރީސް ހުންނަ ކަމަށް އޭނާ ވަނީ ބުނެފަ އެވެ.
ނަމަވެސް ހެނދުނުގެ ނާސްތާއަށް ޕިއްޒާ ދެ ފޮއްޗަށްވުރެ ގިނައިން ނުކެއުމަށްވެސް އޭނާ އެދިފައެވެ.
