އޭލެވެލް އިމްތިހާނު މި އަހަރު އޮންނާނެ: އެޑިއުކޭޝަން މިނިސްޓްރީ
މިއަހަރުގެ އޭލެވެލް އިމްތިހާނު މިއަހަރު މެއި،ޖޫންގައި އޮންނާނެ ކަމަށް އެޑިއުކޭޝަން މިނިސްޓަރު ޑރ. އައިޝަތު އަލީ ވިދާޅުވެއްޖެއެވެ.
މިހާރު ކުރިއަށްދާ ނޫސްވެރިންގެ ބައްދަލުވުމުގައި އެޑިއުކޭޝަން މިނިސްޓަރު ވިދާޅުވީ ރާއްޖޭގައި އޭލެވެލް އިމްތިހާނު ބާއްވަން ނިންމާފައިވާ ކަމަށާއި އިމްތިހާނުގައި ބައިވެރިވުމަށް މިމަހުގެ 11 ގެ ކުރިން އެޕްލިކޭޝަން ހުށަހަޅަން ޖެހޭނެ ކަމަށެވެ.
"މިހާރު ހަމަޖެހިފައިވާގޮތުން ރާއްޖޭގައި އެގްޒާމް ބާއްވާގޮތަށް އަޅުގަނޑުމެން ކުރިއަށް ގެންދަން ރާވާފައި އޮތީ. އެގޮތުން މިއަހަރު މެއި / ޖޫން ގައި މިހާރު ކިޔަވަމުންދާ ހުރިހާ ކުދިން އޭ އެލް އެގްޒާމް އާ އެ އެސް އެގްޒަމްގައި ސިޓް ކުރާނެ. އެކުދިންގެ ޕޭޕާސްތައް އެޑެކްސެލް އިން މާކު ކުރާނީ. ސެޓްފިކެޓު ވެސް ހަމަ އެޑެކްސެލް އިން ދެއްވާގޮތަށް މިއޮތީ،" މިނިސްޓަރު ވިދާޅުވިއެވެ.
މެއި/ޖޫން ގައި ހަދާ އިމްތިހާނުގެ ނަތީޖާ އޮގަސްޓު 10 ގައި ލިބޭނެ ކަމަށް ވެސް މިނިސްޓަރު ވިދާޅުވިއެވެ.
މި ނޫސްވެރިންގެ ބައްދަލުުމެއްގައި އެ މިނިސްޓްރީގެ ޑެޕިއުޓީ މިނިސްޓަރު މުހައްމަދު އިހުސާން ވިދާޅުވީ ރާއްޖޭގައި ބާއްވާނީ އެޑެކްސެލް އިން ދޭ އިމްތިހާނެއް ކަމަށާއި، މި އިމްތިހާނަށް ފަހު ސެޓްފިކެޓުވެސް ދޭނީ އެޑެކްސެލްއިން ކަމަށެވެ.
އެޑިއުކޭޝަނުން ވަނީ ކުދިންނަށް ކުރިން ވެސް އެގްޒާމް ގެންދާ ގޮތަށް ރާއްޖޭގައި އިމްތިހާނު ބޭއްވުމަށް އެޑެކްސެލްއާ މަޝްވަރާ ކުރައްވާފައި ކަމަށް ވެސް އިހްސާން ވިދާޅުވި އެވެ.
Ads by STO
