މެމްބަރު ޒިޔާދު ކޮވިޑަށް ފައްސިވި ކަމަށް ދެކެވޭ ވާހަކަތައް ދޮގުކޮށްފި
ރައްޔިތުންގެ މަޖިލީހުގެ ވައިކަރަދޫ ދާއިރާގެ މެމްބަރު ހުސެން ޒިޔާދު(ފިއްޓޭ) ކޮވިޑް-19 އަށް ފައްސިވި ކަމަށް ދެކެވެމުންދާ ވާހަކަތައް އޭނާ ދޮގުކުރައްވައިފިއެވެ.
ފިއްޓޭއާ ހަވާލާދީ "ފެށުން" އޮންލައިން އިން ރިޕޯޓުކޮށްފައިވާ ގޮތުގައި އޭނާ ކޮވިޑަށް ފައްސި ނުވި ނަމަވެސް އާއިލާގެ މެމްބަރަކު ކޮވިޑް-19 އަށް ފައްސި ވެފައިވާ ކަމަށެވެ.
ފިއްޓޭ އިތުރަށް ވިދާޅުވީ ފައްސިވި އާއިލާ މެމްބަރާ ފިއްޓޭއާ ކޮންޓެކްޓްނުވާ ކަމަށާއި ނަމަވެސް ޓެސްޓު ކުރުމަށް ފިއްޓޭވެސް ސާމްޕަލް ނަގާފައިވާ ކަމަށެވެ.
ފިއްޓޭ މިކަން ދޮގު ކުރި އިރު، ރައްޔިތުންގެ މަޖިލީހުގެ އިތުރު މުވައްޒަފަކު މިއަދު ވަނީ ކޮވިޑަށް ފައްސި ވެފައެވެ. އަދި ކުރިންެވެސް މަޖިލިހުގެ މުވައްޒަފަކު ކޮވިޑް އަށް ފައްސިވުމުން ކަންތައް ކުރި ފަދައިން، މިފަހަރުވެސް މަޖިލިސް އިދާރާ ޑިސްއިންފެކްޓް ކޮށްފައިވާ ކަމަށް ވެސް މައުލޫމާތު ލިބިފައިވެއެވެ.
