އެފްއޭއެމްގެ މުވައްޒަފަކު ފައްސިވުމާ ގުޅިގެން 31 މީހަކު ކަރަންޓީންކޮށްފި

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ އޮފިޝަލަކު ކޮވިޑަށް ފައްސިވުމާ ގުޅިގެން 31 މީހަކު ކަރަންޓީންކޮށްފިއެވެ.

Ads by Hajj Corporation

އެފްއޭއެމްގެ މުވައްޒަފަކު ކޮވިޑް-19 އަށް ފައްސިވުމާ ގުޅިގެން އެފްއޭމްގެ މުވައްޒަފުންނާއި، އެފްއޭއެމްގައި ބޭއްވި ނޫސްވެރިންގެ ބައްދަލުވުމުގައި ބައިވެރިވި ނޫސްވެރިން ގޭގައި ކަރަންޓީންވުމަށް ވަނީ އަންގާފައެވެ.

ކަރަންޓީންވުމަށް އަންގަފައިވަނީ އެފްއޭއެމްގެ ކޮންގްރެސްގައި ބައިވެރިވި ބައެއް މީހުންނާއި، ކޮންގްރެސް އޮތް ދުވަހު ބޭއްވި ނޫސްވެރިންގެ ބައްދަލުވުމުގައި ބައިވެރިވި ނޫސްވެރިންނަށެވެ. މި ދެ ހަރަކާތުގައިވެސް ފައްސިވި މުވައްޒަފު ވަނީ ބައިވެރިވެފައެވެ.

މިރޭ ބޭއްވި ނޫސްވެރިންގެ ބައްދަލުވުމުގައި އެޗްއީއޯސީގެ ތަރުޖަމާނު ޑރ. ނަޒްލާ ރަފީގް ވިދާޅުވީ އެފްއޭއެމްގެ މުވައްޒަފު ފައްސިވުމާ ގުޅިގެން މިހާތަނަށް 31 މީހަކު ކަރަންޓީން ކޮށްފައިވާ ކަމަށެވެ.

އެފްއޭއެމްއިން ފައްސިވި މުވައްޒަފު މިހާރު ހުރީ ކަރަންޓީން ފެސިލިޓީއެއްގައެވެ.