ހުޅުމާލޭ ޖިމަކުން 8 މީހަކު ކޮވިޑަށް ފައްސިވެއްޖެ
ހުޅުމާލޭ ޖިމަކުން 8 މީހަކު ކޮވިޑް-19 އަށް ފައްސިވެއްޖެއެވެ.
މިރޭ ބޭއްވި ނޫސްވެރިންގެ ބައްދަލުވުމުގައި އެޗްއީއޯސީގެތަރުޖަމާނު ޑރ. ނަޒްލާ ރަފީގް، ވިދާޅުވީ ހުޅުމާލޭގައި ހުރި ޖިމްއަކާ ގުޅުންހުރި ފައްސި 8 ކޭސް ފެނިފައިވާ ކަމަށާއި އެމީހުންގެ ކޮންޓެކްޓް ޓްރޭސިންގެ މަސައްކަތް މިހާރު ކުރިއަށްދާ ކަމަށެވެ.
ޑރ. ނަޒްލާ ވިދާޅުވީ ސްކޫލުތަކާއި އޮފީސްތައް ހުޅުވާލުމާއެކު އެތަންތަނުން ފައްސިވާ މީހުންގެ އަދަދު ވެސް އިތުރުވާން ފަށާފައިވާ ކަމަށެވެ. އެގޮތުން މިހާތަނަށް ބީއެމްއެލްގެ ދެ މުވައްޒަފަކާއި ސްކޫލަކުން އިސްވެރިއަކާއި މަޖިލީހުގެ ޑްރައިވަރެއްގެ އިތުރުން، ޓްރީޓޮޕާއި އައިޖީއެމްއެޗުން ވެސް އިތުރު މީހަކު ކޮވިޑަށް ފައްސިވެފައިވާ ކަމަށް އޭނާ ވިދާޅުވިއެވެ.
އައިޖީއެމްއެޗުން މިހާތަނަށް ޖުމްލަ 16 މީހަކު ފައްސިވެފައިވާއިރު، މިއަދު އެތަނުގެ ނަރުހެއް ވެސް ވަނީ ފައްސިވެފައެވެ.
މީގެ އިތުރު ދަރުމަވަންތަ ސްކޫލުގެ މުވައްޒަފަކު ވެސް ވަނީ ކޮވިޑަށް ފައްސި ވެފައެވެ.
Ads by STO
