ބަލި ޖެހޭ މީހުންގެ އަދަދު އިތުރު ވަނީ! މިއަދު އިތުރު 64 މީހަކު ފައްސި ވެއްޖެ

މިއަދު އިތުރު 64 މީހަކު ކޮވިޑް-19 އަށް ފައްސި ވެއްޖެއެވެ.

Ads by Sosun Fihaara

ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ބުނީ މިއަދު ފައްސިވި 64 މީހުންގެ ތެރޭގައި ހިމެނެނީ 44 ދިވެއްސަކާއި، ބަންގްލަދޭޝްގެ 17 މީހަކާއި އިންޑިއާ ދެ މީހެއް އިތުރުން ނޭޕާލް މީހެއް ކަމަށެވެ.

މިއީ ލޮކްޑައުންގެ ހާލަތަށް ލުއި ދިން ފަހުން އެންމެ ގިނަ މީހުން މި ބައްޔަށް ފައްސިވި ދުވަހެވެ.

މި 64 މީހުންނާއެކު މި ބައްޔަށް ރާއްޖެއިން ފައްސިވި މީހުންގެ އަދަދު މިހާރު ވަނީ 2617 އަށް އަރާފައެވެ. މީގެތެރެއިން ފަރުވާ ދެމުން މިހާރު އަންނަނީ 361 މީހަކަށެވެ.

އަދި މިއަދު އިތުރު 11 މީހަކު ބަލިން ރަނގަޅުވެފައިވާއިރު، ބަލިން ރަނގަޅުވި މީހުންގެ ޖުމްލަ އަދަދު ވަނީ 2238 އަށް އަރާފައެވެ.

ރާއްޖެއިން ކޮވިޑް ޖެހިގެން މިހާތަނަށް ނިޔާވެފައި ވަނީ 13 މީހެކެވެ. އޭގެ ތެރޭގައި ހިމެނެނީ ހަތް ދިވެހީންނާއި، ހަ ބިދޭސީންނެވެ.