ޖިންސީ ގޯނާގެ ތުހުމަތު ކުރެވޭ ގޭމްގެ އެސްޖީ ސައުދުﷲ މަގާމުން ވަކިކޮށްފި

ގޭމް އިން މިއަދު ނެރުނު ނޫސްބަޔާނެއްގައި ބުނީ ސައުދުﷲ ވަކިކުރަން ފާސްކޮށްފައިވަނީ މިރޭ ބޭއްވި އެ އެސޯސިއޭޝަނުގެ ހިންގާ ކޮމިޓީގެ ބައްދަލުވުމުގައި ކަމަށެވެ.

އެ ބައްދަލުވުމުގައި ބައިވެރިވި 14 މެންބަރުންގެ އިއްތިފާގުން ގޭމްގެ އެސްޖީގެ މަގާމުންނާއި ހިންގާ ކޮމިޓީގެ މެންބަރުކަމުން ސައުދުﷲ ވަކިކުރަން ފާސްކޮށްފައިވާ ކަމަށް އެ އެސޯސިއޭޝަނުން ނެރުނު ނޫސްބަޔާނުގައި ބުނެފައިވެއެވެ.

އެނގިފައިވާ ގޮތުގައި ސައުދުﷲގެ މައްޗަށް ކުރެވެނީ ގޭމްގެ އެޑްމިން ސްޓާފެއް ގޮތުގައި މަސައްކަތް ކުރާ އަންހެން ކުއްޖަކަށް ޖިންސީ ގޯނާ ކުރި ކަމުގެ ތުހުމަތެވެ.

ސައުދުﷲގެ ޖިންސީ ގޯނާގެ މައްސަލަ ހުށަހެޅުމުން އެ މައްސަލަ ނުބެލޭ ކަމަށް ވިދާޅުވެ، ގޭމްގެ ރައީސްކަމުގެ މަގާމުގައި ހުންނެވި މޫސާ ނާސިހު ވެސް ވަނީ މިދިޔަ ބުދަ ދުވަހު އަމިއްލައަށް އިސްތިއުފާދެއްވައިފައެވެ.