މާލޭގައި ބަލީގެ ހާލަތު އޮތް ގޮތުން ރަނގަޅީ ގައިދުރުކޮށް ތިބެ ނަމާދު ކުރުން - ޑރ.ޝަހީމް
މާލޭގައި މިވަގުތު ބަލި ހާލަތު އޮތް ގޮތުން އެންމެ ރަނގަޅުގޮތަކީ ޖަމާއަތުގައި ނަމާދު ކުރާއިރު ގައިދުރުކޮށް ނަމާދު ކުރުންކަމަށް ދެކެވަޑައިގަންނަވާ ކަމުގައި ކުރީގެ އިސްލާމިކް މިނިސްޓަރ ޑރ.މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޝަހީމް މިއަދު ކުރެއްވި ޓްވީޓެއްގައި ވިދާޅުވީ ވިދާޅުވީ މިވަގުތު އިސްލާމީ ދުނިޔޭގެ ޖުމްހޫރު ދަންނަ ބޭކަލުން ދެކެވަޑައިގަންނަވަނީ ބަލި ފެތުރިފައި އޮތް ސަރަހައްދުގައި އެގޮތައް އަމަލު ކުރުމަށް ކަމުގައެވެ.
ޢާއްމު ޙާލަތުގައި ނަމާދުކުރާއިރު، އަނގައާއި ނޭފަތް ނިވާކުރުމަކީ މަކުރޫހަކަމާއެކު ނަމާދު ޞައްޙަވާނެކަމެއް. އަދި، ބަލިމަޑުކަމެއް ފެތުރިދާނެކަމުގެ އިޙުތިމާލުއޮތްނަމަ، ޖަމާޢަތުގައި ނަމާދުކުރާމީހާ މާސްކު އަޅައިގެން ނަމާދުކުރުން މަކުރޫހަވެގެންނުވޭ. އަދި ކިއެއްތަ! ރަނގަޅީ މާސްކުއެޅުން.
— Muhammad Latheef (@Muhammad_lathyf) July 3, 2020
ބަލިމަޑުކަމެއް ފެތުރެމުންދާ އިރެއްގައި، އިންސާނާގެ ރައްކާތެރިކަމަށްޓަކައި، ޖަމާޢަތުގެ ނަމާދުގައި ގައިދުރުކޮށް ތިބުމަކީ ހުއްދަކަމެއްކަމަށާއި ހާލަތަށް ރިއާޔަތް ކުރާއިރު އެންމެ ރަނގަޅުގޮތަކީ އެއީ ކަމުގައި މީގެ ކުރިން ވެސް ޑރ. ޝަހީމް ވަނީ ވިދާޅުވެފައިވެއެވެ.
ގިނަ ދުވަސްތަކަކަށް ފަހު މާލޭގައި ނަމާދު ޖަމާއަތުގައި ފަށާފައިވާއިރު، ގައިދުރުކަމެއްނެތި ކުރިން ވެސް ސަފު ހަދަމުން އައި ގޮތަށް އެކަކާއި އަނެކަކު ޖެހިޖެހިގެން ނަމާދު ކުރަމުން އަންނާތީވެ ގިނަ ބަޔަކު އަންނަނީ އެކަމާ ކަންބޮޑުވުން ފާޅުކުރަމުންނެވެ.
ކޮވިޑް19 އަށް ފަހު ސައުދީ ފަދަ އިސްލާމީ ބޮޑެތި ގައުމުތަކުގައި ވެސް ޖަމާއަތުގައި ނަމާދުކުރަނީ ގައިދުރުކަމާއެކުގައެވެ.
Ads by STO
