ސިވިލް ސާވިސް ކޮމިޝަންގެ މުވައްޒަފަކު ކޮވިޑަށް ފައްސިވެއްޖެ
ސިވިލް ސާވިސް ކޮމިޝަންގެ މުވައްޒަފަކު ކޮވިޑް-19 އަށް ފައްސިވެއްޖެއެވެ.
އޮންލައިން ނޫހެއް ކަމަށްވާ 'ވަގުތު' ގައި ބުނެފައިވާ ގޮތުގައި ކޮވިޑް-19 އަށް ފައްސިވެފައި ވަނީ ސިވިލް ސާވިސް ކޮމިޝަންގެ އައިޓީ ޑިޕާޓްމަންޓްގައި މަސައްކަތް ކުރާ މުވައްޒަފެކެވެ.
މި މުވައްޒަފު ކޮވިޑަށް ފައްސިވެފައިވަނީ އޭނާގެ ފިރިމީހާ ޖުލައި 07 ވަނަ ދުވަހުގެ ރޭގެ ވަގުތެއްގައި ކޮވިޑް-19 އަށް ފައްސިވިކަން އެނގުމުން އޭނާ އޮފީހަށް ނުނިކުމެ ގޭގައި މަޑުކުރަން އެންގިތާ ތިން ދުވަސް ފަހުންނެވެ.
އޭނާ ކޮވިޑަށް ފައްސިވެފައިވާއިރު މިމަހުގެ 05 ވަނަ ދުވަހާއި 06 ވަނަ ދުވަހާއި 07 ވަނަ ދުވަހު ވެސް އެ މުވައްޒަފު ވަނީ ވަޒީފާ އަށް ނިކުމެފައެވެ.
އެ މުވައްޒަފު މަސައްކަތް ކުރާ ޑިޕާތްމެންޓުގައި އިތުރު 5 މުވައްޒަފަކު މަސައްކަތް ކުރާއިރު މި މަހުގެ 7 ދުވަހުން ފެށިގެން ޑިޕާޓްމަންޓްގެ ހުރިހާ މުވައްޒަފުންނަށް ވަނީ ގޭގައި މަޑުކުރަން ވަނީ އަންގާފައެވެ.
ލޮކްޑައުން އަށް ދިން ލުއިތަކާއެކު ރާއްޖޭގައި ކޮވިޑަށް ފައްސިވާ ދިވެހިންގެ އަދަދު އަންނަނީ އިތުރުވަމުންނެވެ.
