ކޮބާ “ރޭޑިއޯ” އެޕްލިކޭޝަން އަޅައިފިންތަ؟
ދިވެހިން ތެރޭގައި މަގުބޫލު ރޭޑިޔޯ ވާހަކަތަކާއި، ޕްރޮގްރާމްތައް އޮންލައިންކޮށް އަޑުއަހާލެވޭގޮތަށް ތައްޔާރުކޮށްފައިވާ "ރޭޑިއޯ" އެޕްލިކޭޝަން އަކީ ރޭޑިޔޯއިން އަޑުއަހާ ދިވެހިންގެ ތެރޭގައި މަގުބޫލު ވާހަކަތަކާއި ޕްރޮގްރާމްތައް ކޮންމެ ގަޑިއަކުވެސް އަޑުއަހާލެވޭނެ ގޮތް މަގުފަހިކޮށްދިނުމުގެ ގޮތުން ފަރުމާކޮށްފައިވާ އެޕްލިކޭޝަން އެކެވެ.
މި އެޕްލިކޭޝަން ގޫގުލް ޕްލޭސްޓޯރަށް ދޫކޮށްލިތާ މިއަދަށް ހަފްތާއެއް ވެފައިވާއިރު މިހާތަނަށް 1500 އަށް ވުރެ ގިނަ މީހުން ވަނީ މި އެޕްލިކޭޝަން ޑައުންލޯޑުކޮށްފައެވެ.
"ރޭޑިޔޯ" އެންޑްރޮއިޑް ފޯނުތަކަށް އެކަނި އަދި ލިބެން ހުރި ކަމުގައިވިޔަސް، މަހެއްހާ ދުވަސް ތެރޭގައި އައިއޯއެސް އަށް ވެސް ލިބޭނެ ކަމަށް މި އެޕް ގެ މޭސްތިރިޔާ ކަމުގައިވާ ލ. ފޮނަދޫ، ފާހި/ އަހުމަދު އަނަސް ބުނެފައިވެއެވެ.
މިއީ މުޅިން ހިލޭ ބޭނުން ކުރެވޭ އެޕްލިކޭޝަނެކެވެ. މިއެޕްލިކޭޝަންގައި "ސިޔަރަތު"، "ޝާހުޒާދާ މުމްތާޒުގެ ވާހަކަ"، "ނަސޭޙަތް" އެފްބީ ޕޭޖުގެ އޯޑިއޯތައް ހިމެނެއެވެ. މީގެއިތުރުން ކުޑަ ދުވަސް ކޮޅެއްގެ ތެރޭގައި "ޢިލްމު" ޕޭޖުގެ އޮޑިއޯ ތަކާއި ޑރ. ޝަހީމްގެ ޤުރްއާން އޯޑިއޯތައް ވެސް ލިބޭނެ ކަމަށް އަނަސް ބުނެފައިވެއެވެ.
"ރޭޑިއޯ" އެޕްލިކޭޝަން ޑައުންލޯޑް ކުރެއްވުމަށް މި ލިންކަށް ފިއްތާލާ....
