ކޮވިޑް-19: މިއަދު ރާއްޖެއިން 47 މީހުން ފައްސިވެއްޖެ!

މިއަދު ރާއްޖެއިން ކޮވިޑް ޖެހިފައިވަނީ 47 މީހުންނެވެ.

Ads by STELCO

ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފައިވަނީ މިއަދު ރާއްޖެއިން ފައްސިވެފައިވަނީ 43 ދިވެހިންނާއި، 3 ބަންގްލަދޭޝްގެ ރައްޔިތުންގެ އިތުރުން އިންޑިއާ ރައްޔިތެއް ކަމަށެވެ.

މިއަދަދާއެކު ރާއްޖެއިން ފައްސިވީ މީހުންގެ ޖުމްލަ އަދަދު 2664 އަށް އަރާފައިވާއިރު، މިއަދު މިބަލިން ރަނގަޅުވެފައިވަނީ 30 މީހުންނެވެ. މިއަދަދާއެކު ބަލިން ރަނގަޅުވީ ޖުމްލަ އަދަދު 2268 އަށް ވަނީ އަރާފައެވެ.

ރާއްޖެއިން ކޮވިޑް-19 އަށް މިހާތަނަށް 60،217 ސާމްޕަލް ނެގިފައިވާއިރު، 13 މީހުންވަނީ މިބަލީގައި މިހާތަނަށް ރާއްޖެއިން ނިޔާވެފައެވެ.