ހުޅުދުއްފާރުން ވެސް މީހަކު ކޮވިޑަށް ފައްސި ވެއްޖެ
ރ. ހުޅުދުއްފާރުން ވެސް މީހަކު ކޮވިޑަށް ފައްސި ވެއްޖެއެވެ.
ހުޅުދުއްފާރު ކައުންސިލްގެ ނައިބު ރައީސް އަލީ ޖާވީދުއާ ހަވާލާދީ ބައެއް މީޑިއާތަކުން ރިޕޯޓުކޮށްފައިވާ ގޮތުގައު އެ ރަށުން ފައްސި ސައުދީ އަރަބިޔާގެ މަދީނާގައި ކިޔަވަން ހުރެފައި އެނބުރި ރަށަށް ދިޔަ ދަރިވަރެއް ކަމަށެވެ. އަދި އޭނާ ފައްސިވި އިރު ވެސް އޭނާ ހުރީ ކަރަންޓީނުގައި ކަަމަށް ޖާވީދު ވިދާޅުވިއެވެ.
ޖާވިދު ވިދާޅުވިގޮތުގައި އެމީހާ ދިރިއުޅެމުންދާ ގޭގައި އިތުރު މީހެއް ނޫޅޭކަމަށާއި އަދި އެމީހާއާއި އިތުރު އެހެން މީހަކާއި ޑައިރެކްޓް ކޮންޓެކްޓްއެއްވެސް ނުވާ ކަމަށެވެ.
ރ. ދުވާފަަރުގައި ހޯމް ކަރަންޓީނުވުމަށް ފަހު ދޫކޮށްލި ބަޔަކު އިއްޔެ ވަނީ ކޮވިޑަށް ފައްސިވެފަ އެވެ. އެ މީހުން ދޫކޮށްލީ ފުރަތަމަ ކުރި ޓެސްޓުން އެ ބައްޔަށް ނައްސިވުމުންނެވެ. އެކަމަކު ދޫކޮށްލި ފަހުން ނެގި ސާމްޕަލް ފައްސިވުމުން އެ ރަށް މޮނިޓަރިންގެ ހާލަތަށް ގެނެސް، ކޮންޓެކްޓް ޓްރޭސިންގެ މަސައްކަތް އަންނަނީ ކުރަމުންނެވެ.
