ސީއެސްސީގެ ރައީސް އިސްތިއުފާ ދެއްވައިފި
ސިވިލް ސާވިސް ކޮމިޝަން(ސީއެސްސީ)ގެ ރައީސް ޑރ. އަލީ ޝަމީމް މަގާމުން އިސްތިއުފާ ދެއްވައިފިއެވެ.
Ads by MWSC
ރައްޔިތުންގެ މަޖިލީހުގެ މިއަދުގެ ޖަލްސާ ފައްޓަވަމުން މަޖިލީހުގެ ރައީސް މުހައްމަދު ނަޝީދު ވިދާޅުވީ، މި މަޖިލީހުގެ އިދާރާއަށް މައުލޫމާތު ލިބިފައިވާ ގޮތުގައި ސީއެސްސީގެ ރައީސް ޝަމީމް އިސްތިއުފާ ދެއްވާފައިވާ ކަމަށެވެ.
ޝަމީމް މި އިސްތިއުފާ ދެއްވީ ޝަމީމް ވެސް ހިމެނިވަޑައިގަންނަވާ ގޮތަށް ސީއެސްސީގެ ހަތަރު މެމްބަރުން މަގާމުން ވަކި ކުރުމުގެ މައްސަލަ ރައްޔިތުންގެ މަޖިލީހުުގެ މިއަދުގެ ޖަލްސާ އަށް އެޖެންޑާ ކޮށްފައި ވަނިކޮށެވެ. ނަމަވެސް އިސްތިއުފާ ދެއްވި ޝަމީމްގެ ނަމަށް ވޯޓަށް އަހަން ނުޖެހޭނެ ކަމަށް ރައީސް ނަޝީދު ވިދާޅުވި އެވެ.
Ads by STO
