ޑޮލަރު ހޯދައިދޭނެ ކަމަށް ބުނެ މަކަރުން މީހުންގެ އަތުން ފައިސާ ނަގާ މައްސަލަ ފުލުހުން ބަލަން ފަށައިފި
ޑޮލަރު ހޯދައިދޭނެ ކަމަށް ބުނެ މަކަރާއި ހީލަތުން މީހުންގެ އަތުން ފައިސާ ނަގާ މައްސަލަ ފުލުހުން ބަލަން ފަށައިފިއެވެ.
ފުލުހުން ބުނީ ފޮޓޯގައި އެވާ މީހާ ޑޮލަރު ވިއްކާ ކަމަށް ބުނެ ވައިބަ ގްރޫޕެއްގައި ޖަހައިގެން 2000 ޑޮލަރަށް 35000 ރުފިޔާ ޓްރާންސްފާ ކުރުމުން ލާރި ޖަމާ ނުކޮށް ފިލި މީހެއްގެ މައްސަލަ ހުށަހެޅިފައިވާ ކަމަށެވެ.
ފުލުހުން ބުނީ ޑޮލަރު ހޯދައި ދޭނެ ކަމަށްބުނެ މަކަރާއި ހީލަތުން އެކި މީހުން އަތުން ބޮޑެތި އަދަދުން ފައިސާ ނެގުމަށް ފަހު އެ ފައިސާއަށް ހިޔާނާތްތެރިވާ މައްސަލަ ފަހަކަށް އައިސް އިތުރުވެފައިވާ ކަމަށެވެ.
ޑޮލަރު ހޯދައިދޭނެ ކަމަށްބުނެ މަކަރާއި ހީލަތުން މީހުން އަތުން ފައިސާ ނަގަމުންދާ މިފަދަ މީހުން ސޯޝަލް މީޑިއާގެ އެކި ޕްލެޓްފޯމުތަކުގައި ހާއްސަކޮށް ވައިބާގެ ކޮމިއުނިޓީ ގުރޫޕްތަށް މެދުވެރިކޮށް ޑޮލަރު ވިއްކާ ކަމަށް އިޝްތިހާރު ކުރާ ކަން ފާހަގަކުރެވިފައިވާ ކަމަށާއި އެހެން ކަމުން މިފަދަ މީހުންނާއި މެދު ސަމާލުވުމަށް ފުލުހުން ވަނީ އިލްތިމާސް ކޮށްފަ އެވެ.
ފުލުހުން ބުނީ މިފަދަ ކުށްކުށުގެ ޝިކާރައަކަށް ވުމުން ރައްކާތެރިވުމަށް އޮތޮރައިޒްޑް މަނީ ޗޭންޖާސް މެދުވެރިވެގެން ނޫނީ މުއާމަލާތްތަށް ނުހިންގުމަށްވެސް ފުލުހުން ވަނީ އިލްތިމާސްކޮށްފަ އެވެ.
