އަމީތާބަށް އަވަސް ޝިފާ އަކަށް އެދެން : ރައީސް ނަޝީދު

ބޮލީވުޑްގެ މަޝްހޫރު ފިލްމީ ތަރި އަމީތާބް ބައްޗަަން ކޮވިޑް 19 އަށް ޕޮސިޓިވް ވުމަކީ ވަރަށް ގިނަ ދިވެހިން ހިތާމަ ކުރާނެ ކަމެއް ކަމުގައި ރައީސް ނަޝީދު ފާހަގަކުރައްވައިފިއެވެ. އަދި ހަމަ އެހެންމެ އަމީތާބަށް އަވަސް ޝިފާ އަކަށް އެދިލައްވާ ކަމުގައި ވެސް އެމަނިކުފާނު ވިދާޅުވިއެވެ.

Ads by STELCO

ރައީސް ނަޝީދު މިހެން ވިދާޅުވެފައި ވަނީ 61 ރަށަކަށް އައުޓް ޑޯރ ޖިމް އިންޑިއާ ސަރުކާރުގެ ފަރާތުން ދިވެހިރާއްޖެއަށް ހަވާލު ކުރެއްވުމަށް ގަލޮޅު ރަސްމީދަނޑުގައި ބޭއްވި ރަަސްމިއްޔާތުގައެވެ.

ގައުމު ކުރި އެރުވުމަށް ޓަކައި އިންޑިއާފަދަ ތަރައްގީވެފައިވާ ގައުމުތަކާ ގާތް ގުޅުމެއް ބޭއްވުމަކީ މުހިއްމު ކަމެއް ކަމުގައި އެމަނިކުފާނު ވަނީ ވިދާޅުވެފައެވެ. އަދިރާއްޖެއާއި ބާއްވަމުން ގެންދަވާ ގާތްގުޅުމަށް އެމަނިކުފާނު ވަނީ އިންޑިއާ ސަރުކާރަށް ޝުކުރު އަދާ ކުރައްވާފައެވެ.