ކޮވިޑް-19: ޖެންޑާއިން ބޭއްވި ބޮޑު ބައްދަލުވުމަކުން މީހަކު ފައްސި ވެއްޖެ!
މިނިސްޓްރީ އޮފް ޖެންޑާ ގެ ފަރާތުން ބޭއްވި ބޮޑު ބައްދަލުވުމަކުން މީހަކު ކޮވިޑް-19 އަށް ފައްސިވެއްޖެއެވެ.
އޮންލައިން ނޫސް ސީއެންއެމް ގައި ބުނެފައިވަނީ "ސްޓޭކްހޯލްޑާ ކޮންސަލްޓޭޝަން" ގެ ނަމުގައި ދެ އަހަރުގެ ދުވަހުގެ މުއްދަތު ކެމްޕެއިނެއް ފެށުމަށްޓަކައި ބޭއްވި މަޝްވަރާ ބައްދަލުވުމަކުން ކޮވިޑް އަށް ފައްސިވެފައިވަނީ ޖުވެނައިލް ޖަސްޓިސް ޔުނިޓްގެ ފަރާތުން އެ ބައްދަލުވުމުގައި ބައިވެރިވި ފަރާތެއް ކަމަށް އެނގިފައިވާ ކަމަށެވެ.
އެމީހާ ކޮވިޑް އަށް ފައްސިވެފައިވާކަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން، އެބައްދަލުވުމުގައި ބައިވެރިވީ އެހެން ފަރާތްތަކަށް އަންގާ، އެކަހެރި ވުމަށް ވެސް އަންގާފައިވާ ކަމަށް މައުލޫމާތު ލިބިފައިވެއެވެ.
މިކެމްޕޭނަކީ ޖިންސީ ގޯނާއާއި ދެކޮޅަށް ކުރިއަށްގެންދަން ނިންމާފައިވާ ކެމްޕޭނެކެވެ. އަދި މިކަމާއި ގުޅޭގޮތުން ކަމާއިބެހޭ ފަރާތްތަކާއެކު ބޭއްވި އެބައްދަލުވުން އޮތީ ސްޓެލްކޯ ސެމިނާ ރޫމްގައެވެ.
