މިއަދު މުޒާހަރާގައި ބައިވެރިވި ބިދޭސީންނަށް ހަރުކަށި ފިޔަވަޅު އަޅާނަން: ފުލުހުން
މިއަދުގެ ބިދޭސީ މަސައްކަތްތެރިން މާލޭގައި ކުރި މުޒާހަރާ ގައި މަގުތަކުގެ އަމާންކަން ނަގާލައި ދައުލަތުގެ މުދަލަށް ގެއްލުން ދީފައި ވާ މައްސަލަ މޯލްޑިވްސް ޕޮލިސް ސާވިސް އިން ހަރުކަށި އިބާރާތުން ކުށްވެރިކޮށްފިއެވެ.
މިކަމާއި ގުޅިގެން ފުލުހުން ނެރުނު ބަޔާނެއްގައި ވަނީ މި އަމަލު ހިންގުމުގައި ބައިވެރިވި ފަރާތްތަކާއިމެދު ގާނޫނާއި ގަވައިދުގެ ތެރެއިން އެޅެން އޮތް އެންމެ ހަރުކަށި ފިޔަވަޅު އެޅުމުގެ މަސައްކަތް ކުރަމުން އަންނަ ކަމަށެވެ.
ހަމައެހެންމެ މުސާރަ މަސައްކަތްތެރިންނަށް މުސާރަ ދިނުން ފަދަ މައްސަލަތަކުގައި އެކަންކަން ހައްލުކުރުމަށް ގާނޫނުގައި ކަނޑައެޅިފައިވާ އުސޫލުތަކުގެ ތެރެއިން ކަންކަން ކުރުމަށް ފުލުހުން ވަނީ އިލްތިމާސް ކޮށްފައެވެ.
އައިލެންޑް އެކްސްޕާޓް ޕްރައިވެޓް ލިމިޓެޑްގެ ބިދޭސީން ހުޅުމާލޭގައި ހަމަނުޖެހުން ހިންގި މައްސަލާގައި ޖުމްލަ ބިދޭސީ އަކު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ. ފުލުހުންގެ ސީރިއަސް އެންޑް އޯގަނައިޒްޑް ކްރައިމް ޑިޕާޓުމަންޓުން މި މައްސަލަ ތަހުގީގު ކުރަމުން އަންނަ ކަމުގައި ވެސް ފުލުހުން ވަނީ ބުނެފައެވެ.
މުސާރަ ނުދިނުމާ ގުޅިގެން ހުޅުމާލޭގައި މިއަދު މުޒާހަރާކޮށްފައިވަނީ ސިފައިންނާއި ފުލުހުންނަށް ހުޅުމާލޭގައި އިމާރާތް ކުރާ ފްލެޓްތަކުގެ މަސައްކަތް ކުރާ ތައިލެންޑުގެ އައިލެންޑް އެކްސްޕާޓް ކުންފުނީގެ ބިދޭސީ މުވައްޒަފުންތަކެކެވެ.
މި މުޒާހަރާގެ ތެރެއިން ހަމަނުޖެހުން ހިންގައި، ބައެއް ފުލުހުންނަށް އަނިޔާވެ ވެހިކަލްތަކަށް ވަނީ ގެއްލުންދީފައެވެ.
