އަރަބި ޓޫރިސްޓުންނަށް ރާއްޖެ ޕްރޮމޯޓް ކުރުމަށް އަރަބި ވެބްސައިޓެއް
އަރަބި ފަތުރުވެރިންގެ މެދުގައި ރާއްޖެ އިތުރަށް ޕްރޮމޯޓުކުރުމަށްޓަކައި ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދުގެ މާލްދީފް ގްރޫޕުން "މާލްދީފް" ގެ ނަމުގައި ވެބްސައިޓެއް އިފްތިތާހުކުރުމަށް ތައްޔާރުވެއްޖެ އެވެ. މި ވެބްސައިޓު ވެގެންދާނީ ރާއްޖޭގައި ތައާރަފް ކުރެވިގެންދާ ފުރަތަމަ އަރަބި ވެބްސައިޓަށެވެ.
އަންނަ ބުދަ ދުވަހު ތައާރަފް ކުރުމަށް ހަމަޖެހިފައިވާ މި ވެބްސައިޓްގެ އިތުރުން ސޯޝަލް މީޑިއާގެ ހުރިހާ ވަސީލަތްތަކެއްގައިވެސް އެ އަރަބި ޕްލެޓްފޯމް އިފްތިތާހުކުރުމަށް ވަނީ ނިންމާފައެވެ.
ޑރ. ޝަހީމް ވިދާޅުވި ގޮތުގައި ރާއްޖެއާ ގުޅޭގޮތުން އަރަބީންނަށް ވަރަށް ގިނަ އާންމު މައުލޫމާތު ނޭނގޭކަމަށާއި ނަމަވެސް ހަގީގަތުގައި ރާއްޖޭގައި އަރަބިން ވަރަށް ލޯބިކުރާ ކަންތައްތައް އެބަހުރި ކަަމަށެވެ.
އާންމު އަރަބީން ރާއްޖޭގެ ތަންތަނާއި ރާއްޖޭގެ ސަގާފަތާ ގުޅޭގޮތުން އިތުރަށް އެނގެން ބޭނުންވާ ކަމަށް ޑރ. ޝަހީމް ފާހަގަކުރެއްވިއެވެ.
އަދި މިކަންކަން އަރަބިންނަށް ރާއްޖޭގެ މައުލޫމާތު އިތުރަށް އެނގުންވެގެންދާނީ އަރަބިންގެ މެދުގައި ރާއްޖެ ވަަރަށް ބޮޑަށް މަގުބޫލުވެގެންދާނެ ކަމެއްކަމަށް ވެސް ޑރ،ޝަހީމް ވިދާޅުވިއެވެ.
މި ވެބްސައިޓް ލޯންޗުކުރުމަށް ބާއްވާ ހާއްސަ އިވެންޓު ފޭސްބުކް މެދުވެރިކޮށް ލައިވް ކުރާނެ އެވެ.
https://maaldif.com/ އަށް ޒިޔާރަތް ކޮށްލައްވާ!
