ޖުލައި 26 އިން އޯގަސްޓް 3 އަށް ސަރުކާރު ބަންދު!
މި ހިނގާ ޖުލައި މަހުގެ 26 ވަނަ ދުވަހުން ފެށިގެން އޯގަސްޓު މަހުގެ ތިން ވަނަ ދުވަހުހާ ހަމައަށް ސަރުކާރު ބަންދުވާނެ ކަމަށް ރައީސް އޮފީހުގެ ތަރުޖަމާނު އިބްރާހިމް ހޫދު ވިދާޅުވެއްޖެއެވެ.
ހޫދު ވިދާޅުވީ، މިދިޔަ ޑިސެމްބަރު މަހުގެ 12 ވަނަ ދުވަހު މި އަހަރުގެ ބަންދު ދުވަސްތައް ރައީސް އޮފީހުން ކަނޑައަޅާފައި ވާ ޑައިރެކްޓްރީގައި ވާ ގޮތުން މި މަހުގެ 28 އަދި 29 ވަނަ ދުވަހަކީ ސަރުކާރު ބަންދު ދުވަސްތައް ކަމަށެވެ.
މި މަހުގެ 26 އަދި 27 ބަންދު ކަމަށް ހަމަޖައްސާފައި ވަނީ މިނިވަން ދުވަހާ ގުޅިގެންނެވެ. އަދި އެ މުނާސަބަތާ ގުޅިގެން މި މަހުގެ 28 އަދި 29 ވަނީ ބަންދު ދެދުވަހުގެ ގޮތުގައި ހަމަޖައްސާފައެވެ. އަދި މި މަހުގެ 30 ވަނަ ދުވަސް ހައްޖު ދުވަހަށް ވާއިރު 31 ވަނަ ދުވަހަކަީ އަޟްހާ އީދެވެ. އެ ދުވަސް ވަނީ ހުކުރު ދުވަހަކަށެވެ. އަދި އޯގަސްޓް 1 ވާ ހޮނިހިރު ދުވަހަކީ ސަރުކާރު ބަންދު ދުވަހަށް ވާ އިރު އޯގަސްޓް 2 އަދި 3 މި ދެ ދުވަހަކީ އަޟްހާ އީދާ ގުޅިގެން ބަންދު ކުރާ ދުވަސްތަކެވެ.
