ކޮވިޑް-19: ވިލިމާލެއިން މިބައްޔަށް މީހަކު ފައްސިވެފައެއް ނުވޭ!
ކޮވިޑް-19 އަށް ފައްސިވީ މީހަކު މިއަދު ވިލިމާލެއިން ގެންގޮސްފައިވާ ކަމަށްބުނެ ދެކެވެމުން އަންނަ ވާހަކައަކީ މުޅިއަކުން ތެދެއް ނޫން ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.
މީސްމީޑިއާގައި މީހަކު ބުނެފައިވަނީ، މިއަދު ވިލިމާލެއިން ކޮވިޑް-19 އަށް ފައްސިވީ މީހަކު، އެޗް.ޕީ.އޭ އިން ބަލާ އަންނަންދެން ހޮސްޕިޓަލާއި ދިމާލުގައި ޕޮލިސް ޓޭޕް ދަމާފަ ބައިންދާފައި އިން ކަމަށާއި އެމީހާ ދެ ގަޑިއިރު އެތަނުގައި ބޭންދިކަމަށެވެ.
ވިލިމާލޭގައި ހޮސްޕިޓަލަކާއި ފްލޫ ކްލިނިކެއް ވެސް ހުންނަ ކަމަށާއި އެމީހަކީ ފިލައިގެން އުޅޭ ބޭރު މީހަކަށް ވެސް ވެދާނެ ކަމަށް އެޕޯސްޓުގައި ލިޔެފައިވެއެވެ.
މިކަމާއި ގުޅޭގޮތުން އެޗްއީއޯސީ ގެ ތަރުޖަމާނު ޑރ. ނަޒްލާ ރަފީގް "ދެން" އަށް މައުލޫމާތު ދެއްވަމުން ވިދާޅުވީ، ވިލިމާލެއިން ފެނިފައިވަނީ ކޮވިޑް އަށް ފައްސި މީހެއް ނޫން ކަމަށާއި އެހެން ނަމަވެސް އެމީހާ އެހެން ތަނަކަށް ގެންދެވެންދެން އެތަނުގައި ބޭންދި ކަމަށެވެ. އަދި މިކަން އިތުރަށް ބައްލަވަމުން ގެންދަވާ ކަމަށް ވެސް ޑރ. ނަޒްލާ ވިދާޅުވިއެވެ.
Ads by STO
