ކުޑަފަރިން 30 މީހަކާއި މަނަދޫން 13 މީހަކު އެކަހެރި ކޮށްފި

ނ. ކުޑަފަރިން މާލެ ގެނައި އުމުރުން 92 އަހަރުގެ މީހާ ކޮވިޑް-19 އަށް ފައްސިވުމާ ގުޅިގެން، އެ ރަށުން 30 މީހަކާއި މަނަދޫން 13 މީހަކު އެކަހެރިކޮށްފި އެވެ.

Ads by MWSC

ކުޑަފަރީ ކައުންސިލް ނައިބު ރައީސް ޖަޒްލާން އާދަމްއާ ހަވާލާދީން "ސަން" އިން ރިޕޯޓުކޮށްފައިވާ ގޮތުގައި އިއްޔެ ފައްސިވި މީހާއާއި ގުޅިގެން 30 މީހަކު އެކަހެރި ކުރެވިފައިވާއިރު އެތަނުން އެކަކުގެ ސާމްޕަލް އިއްޔެ ނަގާފައިވާ ކަމަށެވެ. އަދި އޭނާގެ ނަތީޖާ ނައްސި ކަމަށް ޖަޒްލާން ވިދާޅުވިއެވެ.

މަނަދޫ ހޮސްޕިޓަލުގެ މެނޭޖަރު އިސްމާއިލް ޝަފީގް ވިދާޅުވީ، ކުޑަފަރި އިން ފައްސިވި މީހާ ހޮސްޕިޓަލަށް ގެންދިޔަ ވަގުތު ތިން މުވައްޒަފުން އޭނާއާ ކޮންޓެކްޓް ވެފައިވާ ކަމަށެވެ.

ހޮސްޕިޓަލުން ކޮންޓެކްޓްވީ 13 މުވައްޒަފުން ކަމަށާއި އެ އެންމެން ވެސް މިހާރު އެކަހެރި ކޮށްފައިވާ ކަމަށް އޭނާ ވިދާޅުވި އެވެ.