އަދީބުގެ މައްޗަށް ކުރި ދައުުވާތައް ބާތިލުކޮށްފި
ކުރީގެ ނައިބް ރައީސް އަހުމަދު އަދީބުގެ މައްޗަށް ކުރި ދައުުވާތައް ބާތިލުކޮށްފިއެވެ.
އަދީބުގެ މައްޗަށް ހަތް ދައުވާއެއް އުފުލާފައިވެއެވެ. އެއީ ޚިޔާނާތްތެރިވުމުގައި ބައިވެރިވުމުގެ ދެ ދައުވާ އާއި މަނީ ލޯންޑްރިންގެ ދެ ދައުވާއެއްގެ އިތުރުން މަގާމުގެ ނުފޫޒު ބޭނުން ކޮށްގެން ނާޖާއިޒް ފައިދާ ހޯދައި ދިނުމުގެ ދެ ދައުވާ އަކާއި، ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާއެވެ.
އެ ހަތްދައުވާގެ އިބްތިދާއީ އަޑުއެހުން މިއަދު ކްރިމިނަލް ކޯޓުގައި ކުރިއަށް ގެންދިޔައިރު އެ އަޑުއެހުމަކީ ދައުވާތަކާއި މެދު ގޮތެއް ނިންމުމަށް ކުރިއަށް ގެންދިޔަ އަޑުއެހުމެކެވެ.
މި މައްސަލައިގައި އެންމެ ފަހުން ބޭއްވި އަޑުއެހުމުގައި މައްސަލަ ބައްލަވާ ގާޒީ ވަނީ ޕީޖީ އޮފީހުން އަދީބާއި އެކު ހަދާފައިވާ އިއުތުރާފްގެ އެއްބަސްވުމާއި ގުޅޭގޮތުން ގިނަ ސުވާލުތަކެއް ކޮށްފައެވެ. އެގޮތުން ގާޒީގެ ސުވާލުތަކަށް ޖަވާބު ދެއްވަމުން އަދީބު ވަނީ ބޭސްފަރުވާއަށް ބޭރަށް ދެވޭނީ އިއުތިރާފް އެއްބަސްވުމުގައި ސޮއި ކުރުމުން ކަމަށް އޭރުގެ ޕީޖީ އައިޝަތު ބިޝާމް ވިދާޅުވި ކަމަށެވެ.
މިއަދުގެ އަޑުއެހުމުގައި އެއްބަސްވުމާއި ގުޅޭގޮތުން ގާޒީ ނިންމަވާފައިވަނީ އެ އެއްބަސްވުމަކި ޖިނާއީ އިޖުރާއަތުގެ ގާނޫނުގެ ދަށުން ބާރުލިބިގެން ހަދާފައިވާ އެއްބަސްވުމެއް ނޫންކަމަށެވެ.
އަދީބުގެ މައްޗަށް ކުރިން އިއްވި 33 އަހަރުގެ ޖަލު ހުކުމްތައް ވެސް މަތީ ކޯޓުތަކުން މިދިޔަ އަހަރު އޮތީ ބާތިލްކޮށްފަ އެވެ.
އިތުރު ތަފްސީލު އަންނަނީ...
