ރަންބީރްގެ މޫނުމަތީގައި މިފަހަރު ދަތް އެޅީ އޭނަ ގެންގުޅޭ ކުއްތާ
ބޮލީވުޑްގެ އެކްޓަރ ރަންބީރް ކަޕޫރްގެ މޫނުމަތީގައި، އޭނަގެ ކުއްތާ ދަތް އަޅައިގެން ވަރަށް ސިއްރު ސިއްރުން ޑޮކްޓަރަށް ދައްކަން ހޮސްޕިޓަލަށް ގޮސްފިއެވެ.
ކާމިޔާބު ފިލްމުތައް ކަމަށްވާ "ސާވަރިޔާ"، "ބަޗްނާ އޭ ހަސީނޯ"، "ތަމާޝާ"، "ބަރްފީ"، އަދި "ސަންޖޫ" ގައިވެސް އެކްޓު ކޮށްފައިވާ ރަންބީރް ކަޕޫރަކީ މަޝްހޫރު އެކްޓާރ ރިޝީ ކަޕޫރާއި ނީތޫ ކަޕޫރުގެ ހުރި ހަމައެކަނި ފިރިހެން ދަރިއެވެ. އޭނާ އަބަދުވެސް ފާހަގަވެފައިވަނީ އަމިއްލަ ދިރިއުޅުން ވަރަށް ވެސް ސިއްރުން ގެންގުޅޭ ފަރާތެއްގެ ގޮތުގައެވެ.
ނަމަވެސް މޫނަށް ލިބުނު ޒަޚަމްތަކާއި ގުޅިގެން ރަންބީރް ވަނީ ފަރުވާ ހޯދުމަށް ހޮސްޕިޓަލަށް ގޮސްފައެވެ. އަދި ރިޕޯޓު ތަކުން ބުނެފައިވާ ގޮތުގައި ރަންބީރަށް ލިބިފައިވާ ޒަަޚަމްތަކަކީ އޭނާގެ ގެންގުޅޭ ކުއްތާ ދަތް އަަޅައިގެން ލިބިފައިވާ ޒަޚަމްތަކެކެވެ.
ރިޕޯޓުތަކުން ބުނެފައިވަނީ ރަންބީރުގެ މޫނުމައްޗަށް މިފަހަރު ލިބިފައިވަނީ ވަރަށް ސީރިއަސް ޒަޚަމްތަކެއް ކަމަށާއި އެއްކޮށް ރަނގަޅުވާން ދުވަސްކޮޅެއް ވާނެ ކަމަށެވެ.
