މަސްވެރިކަމަށް އަދި މާރަނގަޅު ނަތީޖާާއެއް އަޅުގަނޑުމެންނަށް ނެރެވިފައެއްނެތް: ޒިޔާދު
މަސްވެރިކަމުގެ ދާއިރާއަށް މާ ރަނގަޅު ނަތީޖާއެއް ނެރެދެވިފައިވާކަމަށް ޤަބޫލު ނުކުރައްވާކަމަށް ރައްޔިތުންގެ މަޖިލީހުގެ ވައިކަރަދޫ ދާއިރާގެ މެމްބަރު ހުސެއިން ޒިޔާދު ވިދާޅުވެއްޖެއެވެ.
ޒިޔާދު މިހެން ވިދާޅުވީ ދައުލަތުގެ މީޑިޔާއިން ގެނެސްދިން ޕްރޮގުރާމެއްގައި ވާހަކަ ދައްކަވަމުންނެވެ. ޒައިދު ވިދާޅުވީ އޭނާ ގަބޫލުކުރާ ގޮތުގައި މިވަގުތަކަށް އަދި މާ ރަނގަޅު ނަތީޖާއެއް ނެރެވިފައި ނެތް ކަމަށެވެ. އެހެން ނަމަވެސް ސަރުކާރުން މަސައްކަތް ކުރަމުން ދަނީ މަސްވެރިކަމަށް ދިމާވެފައިވާ މައްސަލައަށް ދާއިމީ ހައްލެއް ހޯދުމަށް ކަމަށެވެ.
“އަޅުގަނޑު ގަބޫލުކުރާ ގޮތުގައި މިވަގުތަކަށް އަދި ނެތް މާ ރަނގަޅު ނަތީޖާއެއް އަޅުގަނޑުމެންނަށް ނެރެވިފައެއް. އަޅުގަނޑުވެސް ޤަބޫލުކުރަން، އެކަމާ އެއްބަސްވެސްވަން. އެހެން ނަމަވެސް މިހާރު މިހެދިފައިވާ އުސޫލުތަކާ އަޅުގަނޑުމެން މިކުރާ މަސައްކަތުގެ ނަތީޖާ އަޅުގަނޑަށް ފެންނަ ގޮތުގައި ވަރަށް ފޮނި” ޒިޔާދު ވިދާޅުވިއެވެ.
އިތުރަށް ޒިޔާދު ވިދާޅުވީ ކޮވިޑް-19 މި ދަތި ހާލަތުގައި މިހާތަނަށް އަދި މާއެދެވޭ ނަތީޖާއެއް ނެރެވިފައި ނުވާ ކަމަށެވެ. އަދި މިހެން ދިމާވެފައި ވަނީ އިޤްތިޞާދީ ގޮންޖެހުންތަކުގެ ސަބަބުންކަމަށް ގަބޫލު ކުރައްވާ ކަމަށް ވެސް ޒިޔާދު ވިދާޅުވިއެވެ.
