ފިރުޝާންގެ ފައި ޖަހަން އާސަންދައިން އެހީވަނީ

މިދިޔަ ފެބްރުއަރީ މަހުގެ ހަތް ވަނަ ދުވަހު ގދ.އަތޮޅު ފަޅު ރަށަކަށް ގޮސްއުޅެނިކޮށް ބޮޑެތި އަނިޔާތަކެއް ލިބުމުން ފައި ބުރި ކޮށްލާފައި އުމުރުން 17 އަހަރުގެ ފިރުޝާނަށް ފައި ޖެހުމަށް ހަރަދު ދިނުމަށް އާސަންދައިން ނިންމައިފިއެވެ.

Ads by STELCO

ފިރުޝާންގެ އެއްފަޔަށް ލިބިފައި ހުރި ގެއްލުންތަކާ ގުޅިގެން މިދިޔަ މަހުގެ 11 ވަނަ ދުވަހު ޑޮކްޓަރުން ފިރުޝާންގެ ފައި ބުރި ކޮށްލިއެވެ. ފައި ބުރިކޮށްލީ އެ އަނިޔާތަކުގެ ސަބަބުން އޭނާގެ ފުރާނަައަށްް ނުރައްކާ އޮތުމުންނެވެ.

މިކަމާ ގުޅިގެން އިއްޔެގެ ވަގުތެއްގައި ފިރުޝާންގެ އާއިލާއިން ވަނީ ފައި ޖެހުމަށް 5000 ޑޮލަރު ބޭނުންވާ ކަމަށް ބުނެ އާންމުންގެ އެހީއަށް އެދިފައެވެ. އެހެން ނަމަވެސް އާސަންދަ އިން ބުނީ ފިރުޝާން ހޮސްޕިޓަލުން ދޫކޮށްލި ފަހުން ޕްރޮސްތެޓިކް ފައެއް ޖެހުމަށް ފިރުޝާންގެ އާއިލާގެ ފަރާތުން އަދި އެންސްޕާއަށް އެހީއަށް އެދިފައި ނުވާ ކަމަށެވެ.

އާސަންދައިން ބުނީ އެންސްޕާއަށް އެހީއަށް އެޕްލައި ކުރުމުން އާސަންދަ މެދުވެރިކޮށް މި ޚަރަދުތައް ވެސް ކަވަރު ކުރާނެ ކަމަށެވެ.

ލޮނުދޫހުއްޓާގައި ނަމަކަށް ކިޔާ ރަށެއްގައި ދަތުރު ގޮސް އުޅެނިކޮށް އަނިޔާވުމާއެކު ފިރުޝާން އެންމެ ފުރަތަމަ ގެންދިޔައީ ގައްދޫ އަށެވެ. އޭގެ ގަޑިއެއްހާ އިރުގެ ތެރޭގައި އެ ރަށުން ސީ އެމްބިއުލާންސްގައި ގދ. ތިނަދޫއަށް ގެންދެވުނެވެ، އަދި އިތުރު ފަރުވާއަށް އެމަރޖެންސީ ޗާޓަރު ފްލައިޓެއްގައި މާލެއަށް ގެނެވުނެވެ.. އެގޮތުން އޭޑީކޭ ހޮސްޕިޓަލުގެ އައިސީޔޫގައި ވެސް އެތައް ދުވަހަކު ފިރުޝާނަށް ފަރުވާދޭން ޖެހުނެވެ.