ކައުންސިލް އިންތިހާބަށް ކުރިމަތިލި އިތުރު 5 ކެންޑިޑޭޓަކު ނަން ނަގައިފި
ލޯކަލް ކައުންސިލްތަކުގެ އިންތިހާބަށް ކުރިމަތިލާފައިވާ ކެންޑިޑޭޓުންގެ ނަން އަނބުރާ ގެންދިއުމަށް ހުޅުވާލި ފުރުސަތުގައި އިތުރު ފަސް ކެންޑިޑޭޓަކު ނަން ނަގައިފި އެވެ.
އިލެކްޝަންސް ކޮމިޝަނުން ބުނީ މިއަދު ނަން ގެންގޮސްފައިވަނީ ހއ. ތަކަންދޫ ކައުންސިލްގެ އަންހެނުންނަށް ހާއްސަކޮށްފައިވާ ގޮޑިއަށް އެމްޑީޕީގެ ޓިކެޓްގައި ވާދަކުރަން ނިންމި އަރޫޝާ އިބްރާހީމް އާއި ގއ. ނިލަންދޫ ކައުންސިލްގެ އަންހެނުންނަށް ހާއްސަ ކޮށްފައިވާ ގޮޑިއަށް އަމިއްލަ ގޮތުން ވާދަކުރަން ފޯމް ހުށައެޅި މަރްޔަމް ޒަހީނާގެ އިތުރުން ކ. ތުލުސްދޫ ކައުންސިލްގެ މެންބަރު ކަމަށް އަމިއްލަ ގޮތުން ވާދަކުރަން ފޯމް ހުށައެޅި އަހްމަދު ޟުޙާ މުހައްމަދާއި އދ. ދަނގެތީ ކައުންސިލްގެ ރައީސް ކަމަށް އަމިއްލަ ގޮތުން ވާދަކުރަން ފޯމް ހުށައެޅި ހުސްނީ އިބްރާހީމް އަދި މައްޗަންގޮޅި މެދު ދާއިރާއަށް އަމިއްލަ ގޮތުން ވާދަކުރަން ފޯމް ހުށައެޅި މުހައްމަދު ޝުއާއު ކަމަށެވެ.
މީގެ ކުރިން 13 ކެންޑިޑޭޓަކު ވަނީ ނަން ނަގާފަ އެވެ. އޭގެ ތެރޭގައި ގިނައީ އެންމެ ބޮޑު ޕާޓީ އެމްޑީޕީގެ ކެންޑިޑޭޓުންނެވެ. އޭގެ ތެރެއިން ފަސް ކެންޑިޑޭޓުންނަކީ އެމްޑީޕީގެ ކެންޑިޑޭޓުންނެވެ. ދެން ހިމެނެނީ އިދިކޮޅު ޕީޕީއެމްގެ ކެންޑިޑޭޓަކާއި އަމިއްލަ ގޮތުން އިންތިހާބުގައި ވާދަކުރަން ފޯމް ހުށައެޅި ކެންޑިޑޭޓުންނެވެ.
މީގެ އިތުރުން އިންތިހާބުގައި ވާދަކުރި ކެންޑިޑޭޓަކު ވަނީ ނިޔާވެސް ވެފައެވެ. މެއި މަހުގެ ކުރީކޮޅު ނިޔާވެފައިވަނީ ހދ. ހަނިމާދޫ ކައުންސިލް ގޮނޑިއަށް ވާދަ ކުރަން އެމްޑީޕީގެ ޓިކެޓް ލިބުނު ހުސްނުބާން އަބްދުއްރަހުމާނެވެ.
Ads by STO
