ރެހެންދި ސުކޫލްގެ ދެ ދަރިވަރަކާއި ޓީޗަރަކު ކޮވިޑަށް ފައްސިވެއްޖެ

ހުޅުމާލެ ރެހެންދި ސުކޫލުގައި ތައުލީމު ހާސިލްކުރަމުންދާ ދެ ދަރިވަރަކާއި އެސުކޫލްގެ ޓީޗަރަކު ކޮވިޑް-19 އަށް ފައްސިވެއްޖެއެވެ.

Ads by MWSC

"ސަން" އިން ރިޕޯޓު ކޮށްފައިވާ ގޮތުގައި ފައްސިވި ދެ ދަރިވަރުންނަކީ ދަށް ގްރޭޑްތަކުގެ ދެ ކުދިންނެވެ. އެހެންކަމުން އެ ކުދިން އަދި ސްކޫލަށް ދާން ނުފަށަ އެވެ.

މީގެ އިތުރުން ފައްސިވިއެއް ޓީޗަރަކީ ޕްރީސްކޫލުގެ ޓިޗަރެއްކަން ވަނީ އެނގިފަ އެވެ. ޕްރީސްކޫލުގެ ކިޔެވުން ކުރިއަށް ނުދާތީ އެ ޓީޗަރު ވެސް އެއްވެސް ގޮތަކަށް ސްކޫލަށް ގޮސްފައެއް ނުވެ އެވެ.

ރައްކާތެރިކަމުގެ ފިޔަވަޅުތަކާއި އެކު ސްކޫލްތައް ހުޅުވީ މިދިޔަ މަހުގެ ފަހުކޮޅުއެވެ. މާލެ ފިޔަވައި އެހެން ހުރިހާ ރަށެއްގެ ހުރިހާ ގްރޭޑްގެ ކިޔެވުން ވަނީ ފަށާފައެވެ. ނަމަވެސް މާލޭ ސަރަހައްދުތަކުގައި ކިޔަވައި ދެމުން ގެންދަނީ ގްރޭޑް 9 އިން ފެށިގެން މަތީ ގްރޭޑްތަކަށް އެކަންޏެވެ.