ޒިންމާދާރުކަމެއް ނެތި ފާޅުކުރާ ހިޔާލަކުން ރާއްޖެ އާއި ޗައިނާގެ ގުޅުމަށް އަސަރެއް ނުކުރާނެ: ސަފީރު
ޒިންމާދާރު ކަމެއް ނެތި ފާޅުކުރާ ހިޔާލަކުން ރާއްޖެ އާއި ޗައިނާގެ ގުޅުން ހީނަރު ނުވާނެ ކަމަށް، ޗައިނާ އިން ރާއްޖެ އަށް ކަނޑައަޅުއްވާފައި ހުންނަވާ ސަފީރު ޖަންގް ލީ ޖޮންގް ވިދާޅުވެއްޖެއެވެ.
ޖަންގް މިހެން ވިދާޅުވީ ޗައިނާ-ރާއްޖެ ޖޮއިންޓް މެކޭނިޒަމް އޮން ކޮވިޑް-19 ރެސްޕޯންސްގެ ނަމުގައި މިއަދު ދެ ގައުމުން ގުޅިގެން ބޭއްވި ބައްދަލުވުމަށްފަހު ކުރެއްވި ޓްވީޓެއްގައެވެ.
އެގޮތުން ސަފީރު ވިދާޅުވީ މި ބައްދަލުވުމުގައި ކޮވިޑް-19 އަށްފަހު ރާއްޖޭގެ އިގްތިސާދު ހަމަޔަކަށް އަޅުވައި، ފަތުރުވެރިކަމާއި ވިޔަފާރީގެ ހަރަކާތްތައް އަވަހަށް ފެށޭނެ ގޮތްތަކާއި ބެހޭގޮތުން މަޝްވަރާކޮށްފައިވާ ކަމަށެވެ.
މި ބައްދަލުވުމުގައި ރާއްޖެއިން "ވަން ޗައިނާ" ޕޮލިސީ އަށާއި ޗައިނާއާ އިތުރަށް ގުޅުން ބަދަހިކުރާނެ ކަމުގެ ޔަގީންކަން ވެެސް ދީފައިވާ ކަމަށާއި ޗައިނާއާ މެދު ރާއްޖެއިން ގެންގުޅޭ ޕޮލިސީ އަށް ޝުކުރު އަދާކުރައްވާ ކަމަށްވެސް ސަފީރު ވިދާޅުވިއެވެ.
"ޗައިނާއާއި ރާއްޖޭގެ ގުޅުން ދާނީ އިތުރަށް ބަދަހިވަމުން. ޒިންމާދާރު ކަމެއް ނެތި މީހަކު ފާޅުކުރާ ހިޔާލަކުން ރާއްޖެ އާއި ޗައިނާގެ ގުޅުމަށް އަސަރު ކުރާނެ." ސަފީރު ވިދާޅުވިއެވެ.
4. Maldives reiterated its position on One-China Policy and commitment to stronger co-ops with China. China appreciated Maldives’ positive and friendly policy on China and believed bilateral relations will continue to grow and will not be distracted by some irresponsible remarks.
— Amb. Zhang Lizhong (@AmbassadorZhang) July 16, 2020
ޗައިނާ ސަފީރު މިހެން ވިދާޅުވެފައިވާއިރު، ކުރީގެ ރައީސް، އަބްދުﷲ ޔާމީންގެ ވެރިކަމުގައި ރާއްޖޭގެ 12 ރަށެއް ޗައިިނާ ސަރުކާރުގެ ކުންފުނިތަކަށް ވިއްކާލާފައިވާ ކަމަށް ރައީސް މުހައްމަދު ނަޝީދު ދާދިފަހުން ވިދާޅުވީ ވާހަކަ، ސަފީރު ޖަންގް ލީޖޮންގް ވަނީ ދޮގުކުރައްވާފައެވެ.
ނަޝީދު އެހެން ވިދާޅުވެފައި ވަނީ ދިވެހި ސަރުކާރަށް ފާޑުކިޔައި، އިންޑިއާ ނޫސްވެރިިޔަކު ލިޔުނު ލިޔުމަކާ ގުޅިގެން އެމަނިކުފާނު ލިޔުއްވި ހުޅުވާލެވިފައިވާ ސިޓީފުޅެއްގައެވެ. އެ ސިޓީފުޅައި ރައީސް ނަޝީދު އިތުރަށް ވިދާޅުވީ ރައީސް ޔާމީން ރާއްޖޭގެ އިސްތިގުލާލު ޗައިނާގެ ކޮމިއުނިސްޓް ޕާޓީއަށް ވިއްކާލާފައިވާ ކަމަށެވެ.
އެ ސިޓީފުޅާ ގުޅިގެން ޗައިނާ ސަފީރު ވިދާޅުވީ ޗައިނާއާ ގުޅޭގޮތުން ރައީސް ނަޝީދު ދެއްކެވި ވާހަކަތަކުގައި އެއްވެސް ހަގީގަަތެއް ނެތް ކަމަށެވެ.
އަދި ސަރުކާރު ހިންގާ މައި ޕާޓީގެ ރައީސަށް ކަމުގެ ދެކޮޅު ހަގީގަތް ބައްލަވާލައްވަން ވަގުތު ނެތުމުން ހިތާމަކުރައްވާކަމަށް ވެސް ވިދާޅުވިއެވެ.
