ލޮކްޑައުންނަށް ލުއިދިން ފަހުން އެންމެ ގިނަ މީހުން ފައްސިވީ މިއަދު!
ލޮކްޑައުންގެ ހާލަތަށް ލުއިދިން ފަހުން އެންމެ ގިނަ މީހުން ކޮވިޑް-19 އަށް ފައްސިވި ދުވަހަކަށް މިއަދު ވެއްޖެއެވެ.
ލޮކްޑައުންއަށް ދިން ލުއިތަކަށްފަހު މިދިޔަ ހަފްތާގާއި ވަނީ ފުރަތަމަ ފަހަރަށް ފައްސިވި ކޭސްތަކުގެ އަދަދު ފަސްދޮޅަހުން މަތިވެފައެވެ. ނަމަވެސް އެދެވަހު ފައްސިވެފައި ވަނީ 67 މީހުންނެވެ. އެއަށްފަހު ކޭސްތައް ކޮންމެވެސް ވަރަކަށް ދަށްވުމަށްފަހު އަނެއްކާވެސް މިވަނީ ރެކޯޑް އަދަދަކަށް މީހުން ފައްސިވެފައެވެ. އެގޮތުން މިއަދު އިތުރު 68 މީހަކަށް ވަނީ ބަލި ޖެހިފައެވެ.
ފަހަކަށް އައިސް ފައްސިވާ މީހުންގެ ތެރޭގައި ގިނައީ ދިވެހިންނެވެ. މިއަދު އެކަނިވެސް 47 ދިވެއްސަކު ވަނީ ފައްސިވެފައެވެ.
މިއަދު މި ފައްސިވި މީހުންނާއެކު ރާއްޖޭގައި މިބަލި ޖެހިގެން ފަރުވާދޭ މީހުންގެ އަދަދުވަނީ 530 މީހުންނަށް އިތުރުވެފައެވެ.
މިބަލި ޖެހުނު މީހުންގެ ތެރެއިން އިތުރު 18 މީހުން ވަނީ ބަލިން ރަނގަޅުވެފައެވެ. މިއާއާއެކު ބަލިން ރަނގަޅުވި މީހުންގެ ޖުމްލަ އަދަދަކީ 2339 އެވެ.
މިބަލި ޖެހުނު ދިވެއްސަކު މިއަދު ނިޔާވެފައިވާއިރު މިހާތަނަށް ރާއްޖޭގައި ބަލިޖެހިގެން މަރުވި މީހުންގެ އަދަދުވަނީ 15 އަށް އިތުރުވެފައެވެ.
Ads by STO
