އައިޖީއެމްއެޗުން ބައި ލައްކައަށްވުރެ ގިނަ ކޮވިޑް ޓެސްޓު ހަދައިފި
އައިޖީއެމްއެޗުން ކޮވިޑް-19 ހުރިތޯ ބެލުމަށް 50، 000 އަށްވުރެ ގިނަ ޕީސީއާރް ޓެސްޓް ހަދައިފި އެވެ.
އައިޖީއެމްއެޗުން މިރޭ ކުރި ޓްވީޓެއްގައި ބުނީ، މިއަދު މިހާތަނަށް އެ ހޮސްޕިޓަލުން ވަރަށް ކާމިޔާބުކަމާއެކު 50،000 އަށް ވުރެ ގިނަ ޕީސީއާރު ޓެސްޓު ހަދާފައިވާ ކަމަށެވެ.
އައިޖީއެމްއެޗްގެ އިތުރުން މިހާރު ފުލުހުންގެ ލެބާއި، އޭޑީކޭގެ އިތުރުން އައްޑޫ ހޮސްޕިޓަލުގައި ވެސް އަންނަނީ ކޮވިޑަށް ޓެސްޓު ކުރަމުންނެވެ.
މިހާރު ރާއްޖޭގައި އެވްރޭޖްކޮށް ދުވާލެއްގެ މައްޗަށް 750 ސާމްޕަލް ހެދޭ ކަމަށް އެޗްޕީއޭއިން މީގެ ކުރިން ވަނީ ބުނެފައެވެ.
ކޮވިޑް-19 އަށް ޓެސްޓު ކުރުމަށް މިހާތަނަށް މުޅި ޖުމްލަ 65،176 ސާމްޕަލް ނަގާފައިވެއެވެ.
ރާއްޖެއިން މިހާތަނަށް 2899 މީހުން ކޮވިޑަށް ފައްސި ވެފައިވާއިރު، މިހާރު ފަރުވާ ދެމުން އަންނަނީ 530 މީހަކަށެވެ. 2339 މީހުން ބަލިން ރަނގަޅުވެފައިވާއިރު 15 މީހަކު ވަނީ މި ބަލީގައި މަރުވެފައެވެ.
