ސަމާލުވޭ! ފަލަސްތީނުގެ މިނިވަންކަން ގެއްލުނީ އެތަނުގައި ޔަހޫދީންނަށް ދާއިމީކޮށް ތިބެވޭނެ ގޮތް ހެދުމުން: ޝަހީމް
ފަލަސްތީނުގެ މިނިވަންކަން ނިގުޅައިގަންނަން އެންމެ ފުރަތަމަ ކުރެވުނު ކަމަކީ އެތަނުގައި ޔަހޫދީންނަށް ދާއިމީކޮށް ތިބެވޭނެ ގޮތް ހެދުން ކަމަށް ކުރީގެ އިސްލާމިކް މިނިސްޓަރު ޑރ.ޝަހީމް އަލީ ސައީދު ވިދާޅުވެއްޖެއެވެ.
ޝަހީމް މިހެން ވިދާޅުވީ ރާއްޖޭގައި 10 އަހަރަށް ވުރެ ދިގު މުއްދަތަށް ގެއެއް ކުއްޔަށް ހިފާ ބިދޭސީންނަށް ރެޒިޑެންޓް ވިސާ ދޭ ގޮތަށް އިމިގްރޭޝަންގެ ގާނޫނަށް އިސްލާހު ގެންނަން ރައްޔިތުންގެ މަޖިލީހުގެ ރައީސް މުހައްމަދު ނަޝީދު އެދިވަޑައިގެންނެވުމާ ގުޅިގެން ކަންބޮޑުވެވަޑައިގެން ކުރެއްވި ޓްވީޓެއްގައެވެ.
އެގޮތުން ޝަހީމް ވިދާޅުވީ ފަލަސްތީނުގެ މިނިވަންކަން ނިގުޅައިގަނެ، ޤުދުސް އަޅުވެތިކުރުމަށް އެންމެ ފުރަތަމަ ކުރެވުނު ކަމަކީ އެތަނުން ބިން ވިއްކުމާއި ޔަހޫދީންނަށް ދާއިމީ ގޮތެއްގައި އެތާ ތިބެވޭނެ ގޮތް ހެދުން ކަމަށެވެ.
"މިއީ ޤައުމެއް އަޅުވެތިކޮށް، ހަރާބުކޮށްލަން ކުރާ ފުރަތަމަ ކަންތައް، މިފަދަ ކަންކަމާ މެދު ސަމާލުވާން ޖެހޭ" .ޝަހީމް ވިދާޅުވިއެވެ.
Falastheenuge minivankan nigulahigane Qudus alhuvethikurumah emme furathama kurevunu kamaki ethanun bin vikkumaai yahoodheenah dhaaimee gothehgai ethaa thibeveyne goy hedhun. Miee qaumeh alhuvethikoh kharaabu kollan kuraa futhama kanthah. mifadha kankama medhu samaaluvaan jehey.
— Mohamed Shaheem Ali Saeed (@Mohamedshaheem1) July 17, 2020
މަޖިލީހުގެ ގައުމީ ސަލާމަތާއި ޚާރިޖީ ގުޅުންތަކާ ބެހޭ ކޮމިޓީގައި ނަޝީދު އެދިވަޑައިގަތީ 10 އަހަރަށް ވުރެ ދިގު މުއްދަތަކަށް ގެއެއް ކުއްޔަށް ހިފާ ބިދޭސީންނަށާއި އެއް ލައްކަ ރުފިޔާ އަށް ވުރެ ބޮޑު އިންވެސްޓްމަންޓެއް ރާއްޖޭގައި ކުރާ ބިދޭސީންނަށް ވެސް ރެސިޑެންޓް ވިސާ ދޭންޖެހޭ ގޮތަށް ވެސް ހަމަޖައްސައި ދިނުމަށެވެ.
މި މައްސަލައިގައި ނަޝީދަށް އެތައް ބައެއްގެ ފާޑުކިޔުމާއި ނުރުހުން އަންނަނީ އަމާޒުވަމުންނެވެ.
Ads by STO
