ބަންގްލަދޭޝްގެ 200 މީހުން މިއަދުވެސް އަނބުރާ ޤައުމަށް ފޮނުވާލައިފި

ރާއްޖޭގައި މަސައްކަތް ކުރާ ބަންގްލަދޭޝް ރައްޔިތުންގެ ތެރެއިން 200 މީހުން މިއަދު ވެސް އަނބުރާ އެމީހުންގެ ޤައުމަށް މިއަދު ފޮނުވާލައިފިއެވެ.

Ads by MWSC

މިއީ ސައްޙަ ލިޔެކިޔުމެއް ނެތި ރާއްޖޭގައި މަސައްކަތް ކުރާ އަދި އެކި ސަބަބުތަކާއިހެދި އެނބުރި ޤައުމަށްދާން ބޭނުންވާ ބިދޭސީން ފުރުވާލުމަށް ސަރުކާރާއި މޯލްޑިވިއަން ގުޅިގެން ހިންގާ އޮޕަރޭޝަނެކެވެ.

މިހާތަނަށް މޯލްޑިވިއަންގެ ފްލައިޓުތަކުން 4500 އަށްވުރެ ގިނަ ބިދޭސީން އަނބުރާ ޤައުމަށް ފުރުވާލާފައިވާއިރު، މީގެތެރޭގައި ގިނައީ ސައްޙަ ލިޔެކިޔުމެއް ނެތި އުޅޭ މީހުންނެވެ.

މި އަހަރު ނިމޭ އިރު، ގަވާއިދާ ހިލާފަށް އުޅޭ 20،000 ބިދޭސީން އަނބުރާ ގައުމަށް ފޮނުވާލަން އަމާޒުހިފާފައިވާކަމަށް އިކޮނޮމިކް މިނިސްޓަރު ފައްޔާޒް އިސްމާއީލް ވަނީ ވިދާޅުވެފަ އެވެ.