ތުޅާދޫ އިން ނިޔާވި މީހާ ކޮވިޑަށް ފައްސި
ބ. އަތޮޅު ތުޅާދޫގައި ހޯމް ކަރަންޓީންގައި ހުއްޓާ މިއަދު ކުއްލި ގޮތަކަށް ނިޔާވި މީހާ ކޮވިޑް-19 އަށް ފައްސިވެއްޖެ އެވެ.
Ads by MWSC
ނިޔާވެފައިވަނީ އުމުރުން 59 އަހަރުގެ ދިވެހި ފިރިހެނެކެވެ. އެ މީހާ މާލެ އިން ތުޅާދޫއަށް ހޯމް ކަރަންޓީނަށް ގޮސްފައިވަނީ މި މަހުގެ ނުވަ ވަނަ ދުވަހުއެވެ.
އޮންލައިން ނޫހެއް ކަމަށްވާ "ވަގުތު" ގައި ބުނެފައިވާ ގޮތުގައި އެ މިހާގެ ސާމްޕަލް އޭދަފުށި ހޮސްޕިޓަލުން ޓެސްޓު ކުރިއިރު ވަނީ ސާމްޕަލް ވަނީ ފައްސިވެފައެެވެ.
ކޮވިޑް-19 ޖެހިގެން ނިޔާވާ މީހުން ވަޅުލާ ގޮތަށް އެ މީހާ ވަޅުލުމުގެ އިންތިޒާމްތައް މިހާރު ދަނީ ހަމަޖައްސަމުން އަންނަ ކަމަށް މައުލޫމާތު ލިބެއެވެ.
މިކަމާއި ގުޅިގެން ސަރުކާރުން ވަކި އެއްޗެއް ބުނެފައެއް އަދި ނުވެއެވެ.
މިއީ ކޮވިޑް-19 ބަލީގައި މާލެ އިން ބޭރުގައި މީހަކު ނިޔާވި ފުރަތަމަ ފަހަރުކަން ފާހަގަކޮށްލަންޖެހެއެވެ.
Ads by STO
