މަދީނާގެ މިސްކިތްތަކުގެ އަންހެނުންގެ ބައިގައި މަސައްކަތް ކުރަން އަންހެން މުވައްޒަފުން ހަމަޖައްސައިފި
ދުބާއީ: ސައުދީ އަރަބިއާގެ މިނިސްޓްރީ އޮފް އިސްލާމިކް އެފެއާޒުން، މަދީނާގެ މިސްކިތްތަކުގެ އަންހެނުންގެ ބައިގައި މަސައްކަތް ކުރަން އަންހެން މުވައްޒަފުން ހަމަޖައްސައިފިއެވެ.
ރިޕޯޓުތަކުން ބުނެފައިވަނީ މިސްކިތްތަކުގައި މަސައްކަތްކުރާ އަންހެން މުވައްޒަފުންގެ ޑިއުޓީއަކަށްވާނީ އަންހެނުންގެ ބައިތައް ސުޕަވައިޒް ކުރުމުމާއި ބެލެހެއްޓުން ކަމުގައެވެ.
އެމިނިސްޓްރީން ބުނެފައިވަނީ އަންހެން މުވައްޒަފުންގެ ޒިންމާތައް އަދާކުރުމުގައި ވެދެވެން އޮތް އެހީއެއް ވެދޭނެ ކަމަށެވެ.
މީގެއިތުރުން އަޅުކަން ކުރުމުގައިވެސް ރައްކާތެރިކަމުގެ މިންގަނޑުތައް ދެމެހެއްޓުމަށް، އަންހެނުންނަށް ވެދެވެން އޮތް އެހީއެއް ވެދެއްވާނެ ކަމަށް ސައުދީ އިސްލާމިކް މިނިސްޓްރީން ބުނެފައިވެއެވެ.
މަދީނާގެ މިސްކިތްތަކުގެ އަންހެނުންގެ ބައިގެ ކަންކަން ވެސް މީގެ ކުރިން ހަމަޖެއްސީ ފިރިހެނުންނެވެ. ނަމަވެސް އަލަށް ނެރުނު މިއެންގުމާއި ގުޅިގެން އެބައި ފޮޅާ ސާފުކުރުމުގެ ކަންކަން ވެސް ދެން ބަލަހައްޓާނީ އަންހެނުންނެވެ.
މަސްދަރު: ގަލްފް ނިއުސް
