ފްލެޓް މައްސަލައިގައި ކޮމިޓީ ރިޕޯޓާ ގުޅޭގޮތުން މަޖިލިސް ރައީސް މާދަމާ ނޫސްވެރިންނާ ބައްދަލު ކުރައްވަނީ
ސަރުކާރުގެ ބޯހިޔާވަހިކަމުގެ ސިޔާސަތާއި ހިޔާ މަޝްރޫއުގެ ފްލެޓްތައް ދިނުމާ ގުޅޭގޮތުން ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމިޓީން ދިރާސާކޮށް ނިންމިގޮތުގެ ރިޕޯޓާ ގުޅޭގޮތުން ރައްޔިތުންގެ މަޖިލީހުގެ ރައީސް މާދަމާ ނޫސްވެރިންނާ ބައްދަލު ކުރައްވާނެ ކަމަށް ރައްޔިތުންގެ މަޖިލީހުގެ އިދާރާއިން ބުނެފިއެވެ.
އެކަމާ ގުޅިގެން ގައުމީ ތަރައްގީ އާއި ތަރިކަ ކޮމިޓީން ފެބްރުއަރީ 28، 2021 ގައި ވަނީ ހިޔާ ފްލެޓު ދިން ގޮތާއި މި ސަރުކާރުގެ ބޯހިޔާވެހިކަމުގެ ސިޔާސަތު ރާވާފައިވާ ގޮތް ދިރާސާކޮށް ނިންމި ގޮތުގެ ރިޕޯޓް މަޖިލީހުގެ އިދާރާ އިން މިއަދު ވަނީ އާންމު ކޮށްފައެވެ.
އެ ރިޕޯޓުގައިވާ ގޮތުން، ފްލެޓު ކޮމިޓީން ފޯމްތައް އަލުން ރިވިއު ކުރިއިރު، ޝަރުތު ހަމަނުވާ މީހުން ފްލެޓް ލިބޭ މީހުންގެ ދާއިމީ ލިސްޓުގައި ހިމެނިފައިވާ ކަމަށާއި ޝަރުތު ހަމަވާ ގިނަ މީހުން ދާއިމީ ލިސްޓުގައި ހިމެނިފައި ނުވާ ކަމުގެ ޝަކުވާތަކެއް ލިބިފައިވާ ކަމަށް ރިޕޯޓުގައި ވެއެވެ.
ފްލެޓް ލިބޭ މީހުންގެ ދާއިމީ ލިސްޓު ނެރެފައިވީ ނަމަވެސް، އެ ލިސްޓުގައި މައްސަލައެއް ފާހަގަ ކުރެވިގެން ހުށަހަޅައިފިނަމަ، އެ މައްސަލައެއް ހައުސިން މިނިސްޓްރިން ބަލާނެ ކަމަށް އެ ރިޕޯޓުގައި ބުނެފައިވެއެވެ.
Ads by STO
