މަންމައަށް ކޮވިޑް ޖެހުނަސް ދުރުގައި ނުހުރެވި، ފަހުވަގުތާއި ޖެހެންދެން މަންމަ ކައިރިއަށްދިޔަ ޖިހާދުގެ ވާހަކަ!
މައިމީހާ ދެކެ އިންތިހާއަށް ލޯބިވީ ފަލަސްތީނު މީހެއްގެ ވާހަކައެވެ.
ހިބްރޫންގެ ހޮސްޕިޓަލެއްގައި އެޑްމިޓު ކޮށްފައި އޮތް ރަސްމާ ސަލީމާ އާއި އޭނާގެ ދަރިފުޅު ޖިހާދް އަލް-ސުވައިތީ (30އ.) ސީދާ ބައްދަލުކުރުމަށް ޑޮކްޓަރުން މަނާކުރީ ރަސްމާއަށް ކޮވިޑް-19 ޖެހިފައިވުމުންނެވެ.
ޖިހާދުގެ މަންމަ އޭނާއާއި ވަކިކޮށް ހޮސްޕިޓަލުގެ ވަކިތަނެއްގައި ބޭއްވިއެވެ. ނަމަވެސް މަންމަ ނުފެންނަ ހިސާބުގައި ހުރުމަކީ ޖިހާދަށް ކެތް ކުރެވޭވަރު ކަމަކަށް ނުވިއެވެ. ކޮންމެ ދުވަހަކުމެ ހޮސްޕިޓަލުގެ ފާރުބުރިމަތިން އަރައިގެން އޭނާގެ މަންމަ ބާއްވާފައި އޮތް ކޮޓަރީގެ ކުޑަދޮރުން ބޭރުގައި އިށީންދެގެން މަންމައަށް ބަލަން ޖިހާދު އިނެވެ.
ކޮންމެ ދުވަހަކުމެ އޭނާގެ މަންމަ ދުށުމަށް ޖިހާދު ފާރުބުރި މަތިން އަރާ މަންޒަރު މީހަކު ވަނީ ރިކޯޑުކޮށް މީސްމީޑިއާގައި ހިއްސާ ކޮށްފައެވެ.
ނަމަވެސް މިހާރު އެމަންމަ ވަނީ ޖިހާދު އާއި މުޅި އުމުރަށް ވަކިވެފައެވެ. ކޮރޯނާ ވައިރަހާއި ހަނގުރާމަކޮށް ވަރުބަލިވެގެން ރަސްމާގެ ފުރާނަ އޭނާގެ ހަށިގަނޑާއި ވަކިވީ މިދިޔަ ބުރާސްފަތި ދުވަހުއެވެ.
Ads by STO
