ފުލުހުންގެ 88 ވަނަ އަހަރީ ދުވަސް ފާހަގަ ކުރުމުގެ ގޮތުން ‘’އަވައްޓެރި ފުލުހުން’’ ހަރަކާތްތަކެއް ހިންގައިފި
ފުލުހުންގެ 88 ވަނަ އަހަރީ ދުވަސް ފާހަގަ ކުރުމުގެ ގޮތުން އަވައްޓެރި ފުލުހުން އަތޮޅުތަކުގެ ރަށްތަކުގައި ހަރަކާތްތަކެއް ހިންގައިފިއެވެ.
މާރިޗް މަހުގެ 29 ވަނަ ދުވަހާއި 30 ވަނަ ދުވަހު ވަކިވަކީން ރަށްރަށުގައި ހިންގި ހަރަކާތްތަކުގެ ތެރެއިން އއ. މަތިވެރި ޕޮލިސް ސްޓޭޝަަނަށް، މަތިވެރި ސްކޫލުގެ ބޭބީ ނާސަރީއާއި ނާސަރީގައި ތައުލީމު ހާސިލުކުރާ 41 ދަރިވަރަކު ޒިޔާރަތް ކޮށްފައިވެއެވެ. މި ޒިޔާރަތުގައި އެ ދަރިވަރުންނާއެކު އަވައްޓެރި ފުލުހުން، 88 ވަނަ އަހަރީ ދުވަހުގެ މުނާސަބަތުގައި ކޭކު ފަޅާފައިވެއެވެ.
އަދި އެ ދަރިވަރުންނަށް މަތިވެރި ޕޮލިސް ސްޓޭޝަނުގެ ފަރާތުން ހަދިޔާ ދިނުމުގެ އިތުރުން މަތިވެރީގެ މުއައްސަސާތަކަށް މަތިވެރި ޕޮލިސް ސްޓޭޝަނުގެ ފަރާތުން ކޭކު ހަދިޔާ ކޮށްފައިވެއެވެ.
އއ. ހިމަންދޫ އަވައްޓެރި ފުލުހުން ވަނީ ހިމަންދޫގައި ވެސް ވަނީ 88 ވަނަ އަހަރީ ދުވަހުގެ ކޭކު ފަޅާފައެވެ. އަދި ގއ. ވިލިނގިލި، ކަނޑުހުޅުދޫ އަދި ކޮނޑޭ ގައިވެސް އަވައްޓެރި ފުލުހުން ކޭކު ފެޅުމުގެ ހަރަކާތްތަކެއް ކުރިއަށް ގެންގޮސްފައިވެއެވެ. އަދި ގދ. ތިނަދުއާއި ފިޔޯރީގައި ކޭކު ފެޅުމުގެ އިތުރުން ބައެއް ރައްޔިތުންނާ ފިޔޯރީ ޕޮލިސް ސްޓޭޝަނުގައި ބައްދަލު ކޮށްފައިވެއެވެ. އަދި ގދ. ވާދޫގެ އަވައްޓެރި ފުލުހުން ވެސް ވަނީ ބައެއް ރައްޔިތުންނާއެކު ކޭކު ފެޅުމުގެ އިތުރުން މެންދުރުގެ ޖާފަތެއް ބާއްވާފައެވެ.
މީގެ އިތުރުން، އައްޑޫސިޓީ ހުޅުމީދޫގައި އަވައްޓެރި ފުލުހުން ވަނީ ހުޅުމީދޫގެ ކުޑަކުދިންނާއެކު ކޭކު ފަޅައި ހަދިޔާ ދީފައެވެ. އަދި ސ. ހިތަދޫ އަވައްޓެރި ފުލުހުން ވަނީ ހިތަދޫ އަވައްޓެރިންނާއެކު ކޭކު ފަޅައި އަވައްޓެރިންނާއެކު ވަގުތު ހޭދަ ކޮށްފައެވެ.
Ads by STO
