25 މީހުންނާއެކު މާލެއަށް ދަތުރުކުރި ލޯންޗެއްގައި ރޯވެއްޖެ

ފަންސަވީސް މީހުންނާއެކު އއ.ރަސްދޫން މާލެއަށް ދަތުރުކުރި ލޯންޗެއްގައި އަލިފާން ރޯވެއްޖެއެވެ.

Ads by STELCO

އެމްއެންޑީއެފްގެ ތަރުޖަމާނު މޭޖަރ އިބްރާހިމް އާޒިމް ވިދާޅުވީ މި ހާދިސާގެ ރިޕޯޓު ލިބިފައިވަނީ 18:45 ހާއިރު ކަމަށާއި ރޯވީ ލޯންޗުގެ ދެ އިންޖީނުގެ ތެރެއިން އެއް އިންޖީނުގައި ކަމަށެވެ.

ލޯންޗުގެ އިންޖީނުގައި ރޯވިއިރު، އޭގައި ތިބީ 22 ޕަސިންޖަރުންނާއި ތިން ފަޅުވެރިން ކަމަށް ވެސް މޭޖަރ އާޒިމް ވިދާޅުވިއެވެ.

ހާދިސާ ހިނގައިފައި ވަނީ ރަސްދޫން މާލެއަށް ދަތުރުކުރި "ނެވި2" ނަމަކަށް ކިޔާ ލޯންޗެއްގައެވެ. އެ ލޯންޗުގެ ވެރި ފަރާތުން ހަމަޖެއްސި "ނެވި4" ނަމަކަަށް ކިޔައި ލޯންޗުގައި ހުރިހާ ފަސިންޖަރުން އަނބުރާ ރަސްދޫއަށް ގެންގޮސްފައިވާ ކަމަށް ވެސް އެމްއެންޑީއެފުން ވިދާޅުވިއެވެ.

މި ހާދިސާގައި އެއްވެސް މީހަކަށް އަނިޔާވެފައެއް ނުވެއެވެ.