ކޮވިޑް19: ހޮސްޕިޓަލަށް ދައްކާނެ 5 ރުޕީސް ނުލިބުނު މީހާ މަރުވީ ހޮސްޕިޓަލު ބޭރުގައި އޮވެ
އިންޑިއާގެ ސަރުކާރު ހޮސްޕިޓަލެއްގެ ބޭރުގައި އޮވެ ކޮވިޑް19 ޖެހުނު މީހަކު މަރުވެއްޖެއެވެ. ރިޕޯޓުތައް ބުނާ ގޮތުގައި މި މީހާ މަރުވެފައިވަނީ ހޮސްޕިޓަލުގެ އެޑްމިޝަން އަށް ދައްކަން ޖެހޭ 5 ރުޕީސް އޭނާގެ އަންހެނުން އަތުގައި ނެތުމުން ފަރުވާ ނުދެވިގެންނެވެ.
ޓައިމްސް އޮފް އިންޑިއާގައި ބުނެފައިވާ ގޮތުގައި އެ އަންހެން މީހާ އެހީއަށް އެދި އެތައް ބައެއް ކައިރީގައި އެދިފައިވެއެވެ. ނަމަވެސް އެ ފިރިހެން މީހާ މަރުވިިރުވެސް އެއްވެސް މީހެއްގެ ފަރާތުން އެހީ ލިބިފައެއް ނުވެއެވެ. އަދި މަރުވި ފަހުން ހަށިގަނޑު ގެންދިއުމަށް މީހަކު އެހީވެފައިވަނީ ވެސް އެތައް ގަޑިއިރެއް ފާއިތުވީ ފަހުންނެވެ.
މި މައްސަލައާ ގުޅިގެން ބައެއް ފަރާތްތަކުން ބުނަމުން އަންނަ ގޮތުގައި ސަރުކާރު ހޮސްޕިޓަލުގައި އެޑްމިޝަން ޓިކެޓް މިހާރު ވަނީ ހިލޭ ކޮށްދީފައެވެ. ނަމަވެސް އެ އަންހެން މީހާ ބުނެފައިވާ ގޮތުގައި އެ ހޮސްޕިޓަލުން ތަކުރާރު ކޮށް އޭނާގެ ކައިރީގައި އެޑްމިޝަން ޓިކެޓް ގަނެެގެން ނޫނީ ނުވަދެވޭނެ ކަމަށާއި ފަރުވާ ނުދެވޭނެ ކަމަށް ބުނެފައިވެއެވެ.
މި މައްސަލަ ފެންމަތިވުމާއެކު އިންޑިއާގެ ސިއްހީ ނިޒާމް ފެއިލް ވެފައި މިންވަރު ހާމަވެގެންދާ ކަމަށް ބުނެ ގިނަ ބަޔަކު އަންނަނީ މީސް މީޑިއާގައި ނުރުހުން ފާޅުކުރަމުންނެވެ.
