ޕަބްޖީ ކުޅެން ދެވި ހިފައިފައިވާ ޒުވާނެއް، އެންމެ ފަހުން އާއިލާ މީހުން ގަޔަށް ވެސް ޖެހީ ބަޑި
ޕަބްޖީއޭ ބުނުމުން އެއީ ކޯއްޗެއްކަން ނޭނގޭ މީހެއް މިހާރު ހުރުން ވަރަށް ނާދިރެވެ. ޅަ ކުދިންނާއި ޒުވާނުންނާއި ހަރު އުމުރުފުރައިގެ ބައެއް މީހުންގެ ހިތްތަކުގައި ޚާއްސަ މަޤާމެއް ދެވިފައިވާ މި އޮންލައިން ގޭމަކީ ދުނިޔޭގެ ގިނަ ހިސާބުތަކެއްގައި ގިނަ ބަޔަކު ކުޅޭ ގޭމެކެވެ. ބައެއް ޤައުމު ތަކުގައި ޕަބްޖީ ކުޅުން މަނާ ކުރި ކަމުގައި ވިޔަސް ދުނިޔޭގެ ނިސްބަތުން ބަލާއިރު ގިނަ ޤައުމުތަކުގައި ޕަބްޖީއަކީ އަދިވެސް އެއްމެ މަޤުބޫލް ގޭމެވެ.
އަޅުގަނޑުމެންގެ މި ކުޑަކުޑަ ރާއްޖޭގައި ވެސް ޕަބްޖީގެ އަވައިގައި ޖެހިފައި ވަނީ މަދު ބައެއް ނޫނެވެ. ކުޑަ ކުދިންނާއި ޒުވާނުންނެވެ. ފިރިހެނަކަށް ދޫކޮށްލާނޭ އަންހެނަކު ވެސް ނެތެވެ. ނަމަވެސް މިއީ އިންސާނާގެ ސިކުނޑި މިކަމުގައި ގައިދުވެ ނަފްސު ހަލާކު ކޮށްލާ އެއްޗެއްކަން އެނގެނީ ކިތައް މީހުންނަށް ބާވައެވެ. ޕަބްޖީގެ ސަބަބުން އުޅުމަށާއި އަޚްލާޤަށް ގެނުވާ ނޭދެވޭ ބަދަލުތައް ފާހަގަ ވާނޭ ބަޔަކު އެބަތިބި ހެއްޔެވެ.
ދުނިޔޭގެ އެކި ކަންކޮޅުތަކުގައި މިފަދަ އޮންލައިން ގޭމް ތަކުގެ ސަބަބުން ފޫނުބެއްދޭ ވަރުގެ ހިތާމަ ވެރި ހާދިސާތައް ހިނގަމުންދާ އިރު ދާދިފަހުން ވެސް މި ވަނީ މި ފަދަ ހާދިސާއެއް ތަކުރާރު ވެފައެވެ. ޕަބްޖީ ކުޅެން ދެވި ހިފައިފައިވާ ޒުވާނެއްގެ ސަބަބުން ގެއްލި ދިޔައީ އާއިލާއެއްގެ ދެ މެމްބަރުންނެވެ.
ޕާކިސްތާނުގައި ހިނގައިދިޔަ މި ނުރައްކާތެރި ހާދިސާގައި އިތުރު ތިން މީހަކަށް އެކި ވަރުގެ އަނިޔާ ލިބިފައިވާކަމަށް ބޭރުގެ މީޑިއާ ތަކުން ރިޕޯޓް ކުރެއެވެ. ޕަބްޖީން ދައްކުވައިދޭ މަންޒަރެއް ކުޅުމަށްޓަކައި މި ޒުވާނާ ކުރި މަސައްކަތުގައި މަރުވެފައި ވަނީ އޭނާގެ ބޭބެގެ އަންހެނުންގެ އިތުރުން އެވަގުތު އެގޭގައި ހުރި އޭނާގެ ރައްޓެއްސެކެވެ. އަދި މި ހާދިސާގައި އަނިޔާ ލިބިފައި ވަނީ އޭނާގެ މަންމައާއި ދައްތަގެ އިތުރުން ބޭބެ އަށެވެ.
އެ އަވަށުގެ ރައްޔިތުން ވަނީ ބަޑީގެ އަޑު އިވުމާއެކު އެކަން ފުލުހުންގެ ސަމާލުކަމަށް ގެނެސްފައެވެ. އަދި މިހާރު މި ޒުވާނާ ވަނީ ހައްޔަރު ކުރެވިފައެވެ. ފުލުހުން މައުލޫމާތު ދީފައިވާ ގޮތުގައި މި ޒުވާނާ އަކީ އޮންލައިންގޭމް ތަކަށް ނުހަނު ބޮޑަށް ދެވިހިފާފައިވާ ޒުވާނެކެވެ. އަދި އޭނާގެ އާއިލާއިން ވަނީ އެކިފަހަރު މަތިން އެކަމުން އޭނާ ދުރުކުރުމަށް މަސައްކަތް ކޮށްފައި ކަމަށް ވެސް ފުލުހުން ބުނެފައިވެއެވެ.
މީގެ އިތުރުން ވެސް ޕަބްޖީގެ ސަބަބުން ގިނަ ހާދިސާތައް ހިނގާފައި ވެއެވެ. އެގޮތުން ބައެއް ކުދިން ވަނީ އަމިއްލައަށް މަރު ވެސް ވެފައެވެ. އެހެންކަމުން މިއީ ފޫހި ފިލުވުމުގެ ގޮތުން ނުވަތަ މަޖާ ކޮށްލުމަށް ނަމަވެސް ކުޅެން ހެޔޮވާވަރުގެ ގޭމެއް ނޫނެވެ.
ޔަގީން މިލިޔުން ލިޔެފަ ވަނީ ކޯލް އޮފް ޑިއުޓީ ކުޅޭ މީހެއްކަން
ކޮބާ ދެން ކަސޯޓީ. އެ ބެލުމަކުން ނެތް މައްސަލައެއް؟؟
ސީދާކަޑައެޅިގެންދޯގެއް