ތައުލީމަށް މި ސަރުކާރުން ދޭ އަހަންމިއްޔަތާއި ހާއްސަކަން އެހެން ސަރުކާރަކުން ދީފައެއް ނުވޭ: މިނިސްޓަރ
ތައުލީމަށް މި ސަރުކާރުން ދޭ އަހަންމިއްޔަތާއި ހާއްސަކަން އެހެން ސަރުކާރަކުން ދީފައި ނުވާ ކަމަށް އެޑިޔުކޭޝަން މިނިސްޓަރު ޑރ. އައިޝަތު އަލީ ވިދާޅުވެއްޖެއެވެ.
މިނިސްޓަރު މިހެން ވިދާޅުވީ އެމްޑީޕީގެ ރަށްވެހި ފަތިސް ޕްރޮގްރާމްގައި ވާހަކަފުޅު ދައްކަވަމުންނެވެ.
މިނިސްޓަރު ވިދާޅުވީ މި ސަރުކާރުން ތައުލީމަށް ދޭ އަހަންމިއްޔަރު ނާސްތާ ޕްރޮގްރާމުން ވެސް ހާމަވެގެންދާ ކަމަށެވެ. މި ޕްރޮގްރާމްގެ ސަބަބުން ކުދިންގެ ތައުލީމީ ކަންކަމުގެ އިތުރުން އެކުދިންގެ ހެދިބޮޑު ވުމަށާއި ދުޅަހެޔޮ ކަމަށް އެތައް ބަދަލުތަކެއް އައިސްފައިވާ ކަމަށް މިނިސްޓަރު ވިދާޅުވިއެވެ.
"އަދި ފާހަގަ ކުރެވުނު ނާސްތާ ޕްރޮގްރާމްގެ ކޮންޓްރެކްޓަރުންނަށް ލިބޭ އާމްދަނީ ރަނގަޅުކަން. އޭގެ ތެރޭގައި ގިނައީ އާމްދަނީ ހޯދަން އިތުރު މަސައްކަތެއް ނުކުރާ މީހުން. އެމީހުންނަށް ދުވާލެއްގެ މައްޗަށް 3000 ރުފިޔާ ލިބޭ. އެއީ ވެސް ލިބުނު ކުރިއެރުމެއް" މިނިސްޓަރު ވިދާޅުވިއެވެ.
ރާއްޖޭގެ ފަސް ސަރަހައްދެއްގައި ވަށައި ޖެހޭ އުސޫލުން ތައުލީމު ފޯރުކޮށްދޭ ފަސް ސުކޫލެއް ގާއިމު ކުރުމުގެ މަސައްކަތް މިހާރު ކުރަމުންދާކަން ފާހަގަކޮށް މިނިސްޓަރު ވިދާޅުވީ އެފަދަ ސުކޫލުތަކުގައި ޖިމްތަކާއި، ލެބްތަކާއި، ކުޅިވަރު ދަނޑުތައް ހުންނާނެ ކަމަށެވެ.
މީގެ އިތުރުން ސަރުކާރުގެ ފަރާތުން ބޮޑު ހޭދައެއް ކުރަމުން އަންނަ އިތުރު ޕްރޮގްރާމްތަކުގެ ތެރޭގައި މަތީ ތައުލީމު ހޯދާ ދަރިވަރުންނަށް ހިލޭ ޑިގްރީގެ ޕްރޮގްރާމާއި ސްޓޫޑެންޓް ލޯންތަކާއި ސްކޮލާޝިޕްތަކުގެ ކަންކަން ވެސް މިނިސްޓަރުގެ ވާހަކަފުޅުގައި ވަނީ ފާހަގަ ކުރައްވާފައެވެ.
ދޮގު ބޮނޑި ރީންދޫ ޕަޕެޓު
ލަދެއް ވެސް ނުގަނޭތަ އަނގަ ފުޅާ ކޮށްފަ ތިހެން ބުނާކަށް ވެސް….. ދަރިންގެ ކިޔެވުން ހަލާކު ކުރީ… ތިވަރުވެސް ތިޔަވީ ޔާމިންގެ ސަބަބުން. ޔާމިން ސަރުކާރުގަ ޓެބްްލެޓްތައް ދީފަ ހުރީމަ
ކޮށްދޭކޮންމެކަމެއްވެސ އިޚްލާޞްތެރިކަމާއެކު ކޮށްދޭނަމަ، ނުވަތ ކޮށްދޭންބޭނުންް ނޫންނަމަ، ތިޔަގޮތަށް ކަލަގޮވުމާއި އަނެއްބަޔަކާވާދަކިޔުންދޫކޮށްކަންޖެހޭ.